অসম লাইভ২৪ঃ কেইবাটাও গুৰুত্বপূৰ্ণ বিষয়ক লৈ মুখ্যমন্ত্ৰী হিমন্ত বিশ্ব শৰ্মাৰ সংবাদমেল। সংবাদমেলত অসম বৈভৱ, অসম গৌৰৱ, অসম সৌৰভ বটাঁ প্ৰাপকৰ নাম ঘোষণা কৰিছে মুখ্যমন্ত্ৰীগৰাকীয়ে৷
প্ৰতি বছৰে ২ ডিচেম্বৰত অসম দিৱসত প্ৰদান কৰা হব এই বঁটা৷ প্ৰতিবছৰে ১৯গৰাকী ব্যক্তিক প্ৰদান কৰা হব এই বটাঁসমূহ। এইবাৰৰ বঁটাসমূহ অহাবৰ্ষত ২৪ জানুৱাৰীত প্ৰদান কৰা হ’ব। সৰ্বোচ্ছ সন্মান ‘অসম বৈভৱ’, অসমৰ ৰাজ্যিক গছ হলং গছৰ পাতৰ ওপৰত জাপিৰে এই বঁটাতো তৈয়াৰ কৰা হৈছে। অসম বৈভৱ বঁটাত ৫ লাখ টকা থাকিব আৰ বঁটা লাভ কৰা ব্যক্তিগৰাকীৰ সম্পূৰ্ণ চিকিৎসাৰ দায়িত্ব ল’ব চৰকাৰে।
দ্বিতীয় অসামৰিক বঁটা ‘অসম সৌৰভ’, প্ৰত্যেক বছৰে তিনিগৰাকী লোকক দিয়া হয়৷ বছৰি ৩ লাখ টকালৈ বঁটা প্ৰাপকৰ চিকিৎসাৰ দায়িত্ব ল’ব চৰকাৰে। তৃতীয়টো বঁটা-‘অসম গৌৰৱ’-অসমৰ সত্ৰীয়া সংস্কৃতিক মাজত ৰাখি এই বঁটা তৈয়াৰ কৰা হৈছে। ৩ লাখ টকা পুৰস্কাৰ দিয়া হ’ব। লগতে বছৰি ৩ লাখ টকালৈ চিকিৎসাৰ দায়িত্ব ল’ব চৰকাৰে।
বঁটা প্ৰাপক সকলক সকলো চৰকাৰী অনুষ্ঠান তে নিমন্ত্ৰণ কৰা হ’ব আৰু তেওঁলোকে অসম ভৱনত বিনামূলীয়া কৈ থাকিব পাৰিব। অসম বৈভৱ বটাঁ এই বৰ্ষত বিশিষ্ট উদ্যোগপতি ৰতন টাটালৈ আগবঢ়োৱা হৈছে। অসমবাসীৰ প্ৰতি থকা অৱদানৰ স্বীকৃতি স্বৰূপে এই বঁটা তেওঁক আগবঢ়োৱা হ’ব। ২০২১ বৰ্ষৰ অসম সৌৰভ বঁটাও ঘোষণা কৰে মুখ্যমন্ত্ৰী হিমন্ত বিশ্ব শৰ্মাই।
অসম লাইভ২৪ঃ ৰাজ্য চৰকাৰে ঘোষণা কৰিলে অসম চৰকাৰৰ সৰ্বোচ্চ অসামৰিক সন্মান অসম বৈভৱ, অসম গৌৰৱ আৰু অসম সৌৰভ বঁটা। কেবিনেটত লোৱা সিদ্ধান্ত অনুসৰি অসমৰ সৰ্বোচ্চ বঁটা অসম বৈভৱ বঁটা এইবাৰ প্ৰদান কৰা হৈছে ডাঃ তপন শইকীয়ালৈ আগবঢ়োৱা হৈছে। আন্তঃৰাষ্ট্ৰীয় কেন্সাৰ চিকিৎসক ডাঃ তপন শইকীয়া। সংবাদমেলযোগে এই বঁটাসমূহ ঘোষণা কৰিলে মুখ্যমন্ত্ৰী ড০ হিমন্ত বিশ্ব শৰ্মাই।
অসম সৌৰভ বঁটা আগবঢ়োৱা হৈছে কৃষ্ণ ৰয়, গীলবাৰ্টছন ছাংমা, নয়নমণি শইকীয়া, বিনয় কুমাৰ শইকীয়া আৰু ডাঃ শশীধৰ ফুকনলৈ।অসম গৌৰৱ বঁটা আগবঢ়োৱা হৈছে নৱগ্ৰহত সেৱা আগবঢ়াই অহা ধৃতিমালা ডেকা, ডাঃ দেৱজিৎ বৰ্মন, ৰূস্তম বসুমতাৰী, মাঞ্জেলা (চিংফৌ হেৰিটেজৰ হৈ কাম কৰি আহিছে), বিনন্দ হাতীবৰুৱা (মাগুৰিবিলৰ বিশেষজ্ঞ), অতুল চন্দ্ৰ বৰুৱা, কল্যাণী ৰাজবংশী (আত্মসহায়ক গোটৰ অংশীদাৰ), শীলা গোৱালা (আশাকৰ্মী), ডাঃ যোগেশ দেউৰী (ৰেচম তথা সোণালী সূতাৰ বিশেষজ্ঞ), পংকজলাল গগৈ, সৰ্বেশ্বৰ বসুমতাৰী, মানথাং মাৰ (আনাৰস খেতিয়ক), ড০ ধ্ৰুৱজ্যোতি শৰ্মা (ডেফডিল), দয়াল গোস্বামী (মুখা শিল্পৰ দক্ষতা বিকাশ) আৰু ছৈয়দ ইফতিকাৰ আহমেদলৈ। অৱশ্যে এই বঁটাসমূহ কেতিয়া প্ৰদান কৰা হ’ব সেই কথা ঘোষণা নকৰিলে মুখ্যমন্ত্ৰীয়ে। কোনো এটা ভাল দিনত এই বঁটাসমূহ প্ৰদান কৰা হ’ব বুলি সংবাদ মাধ্যমৰ আগত সদৰি কৰে ড০ হিমন্ত বিশ্ব শৰ্মাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
