গৰমৰ দিনত মানুহে শীতল পানীয় খাই সকলোৱে ভাল পায়। প্ৰায়ে অনুষ্ঠানত বা অতিথি ঘৰলৈ আহিলে শীতল পানীয় সেৱন কৰিবলৈ দিয়া হয়। আনকি কিছুমানে ঠাণ্ডা পানীয়ৰ সৈতে চিপচ খাই আনন্দ লাভ কৰে, কিন্তু আপুনি জানেনে ই আপোনাৰ স্বাস্থ্যৰ বাবে ক্ষতিকাৰক হ’ব পাৰে? দিল্লীৰ এইমছৰ মুখ্য ডায়েটিচিয়ান ডাঃ পৰমিত কৌৰে কি কি ক’লে জানো আহক…
ডাঃ কৌৰে বুজাইছে যে, গৰমত স্বাস্থ্যৰ যত্ন লোৱাটো অতি গুৰুত্বপূৰ্ণ। এই ঋতুত খাদ্যাভ্যাসৰ প্ৰতি বিশেষ গুৰুত্ব দিব লাগিব। শৰীৰক হাইড্ৰেড কৰি ৰাখিবলৈ তৰল খাদ্য বজাই ৰাখক। অৱশ্যে এই বতৰত শীতল পানীয়ৰ সৈতে চিপচ খোৱাৰ পৰা বিৰত থাকিব। কাৰণ সাধাৰণতে মানুহে বিশ্বাস কৰে যে গ্ৰীষ্মকালত শীতল পানীয় সেৱনে তেওঁলোকৰ পিয়াহ দূৰ কৰে, কিন্তু শীতল পানীয়ই শৰীৰত পানীৰ অভাৱ ঘটাব পাৰে। শীতল পানীয়ত উচ্চ চেনি থাকে, আৰু যিসকলে ইয়াৰ সৈতে চিপছ সেৱন কৰে তেওঁলোকৰ বাবে এই খাদ্যৰ সংমিশ্ৰণে পানীৰ ক্ষয় বৃদ্ধি কৰিব পাৰে আৰু ইলেক্ট্ৰলাইটৰ ভাৰসাম্য বিঘ্নিত কৰিব পাৰে।
ডিহাইড্ৰেচন কিয় বিপদজনক?
ডাঃ পৰমিতে বুজাইছে যে গৰমৰ দিনত শৰীৰত হাইড্ৰেচনৰ প্ৰয়োজন হয়, কিন্তু পিয়াহ দূৰ কৰাৰ পৰিৱৰ্তে শীতল পানীয়ই ডিহাইড্ৰেচন বৃদ্ধি কৰিব পাৰে। কেফেইন আৰু অতিৰিক্ত চেনিয়ে শৰীৰৰ পৰা পানী আহৰণ কৰিব পাৰে। আনহাতে নিমখীয়া চিপছে পিয়াহ বৃদ্ধি কৰে, যাৰ ফলত ডিহাইড্ৰেচন আৰু অধিক হ’ব পাৰে।
চিপচত প্ৰচুৰ পৰিমাণে নিমখ আৰু ট্ৰেন্স ফেট থাকে, যি অস্বাস্থ্যকৰ। নিয়মিতভাৱে এইবোৰ সেৱন কৰিলে মেদবহুলতাৰ সম্ভাৱনা বৃদ্ধি পাব পাৰে।
ইয়াতকৈ ভাল বিকল্প?
শীতল পানীয়ৰ সলনি নাৰিকল পানী বা নেমুৰ পানী খালে ভাল। ঘৰতে ORS বনোৱাই ভাল। ইয়াৰ বাবে ১ লিটাৰ পানীত ৬ চামুচ চেনি আৰু আধা চামুচ নিমখ দি দিনটো মাজে মাজে খাব লাগে। এই ঋতুত হাইড্ৰেটেড হৈ থাকিবলৈ পিয়াহ নালাগিলেও পানী খাই থাকিব। ইয়াৰোপৰি চিপচৰ সলনি মাখানা খাব পাৰে, আৰু তৰমুজ আৰু বিভিন্ন বতৰৰ ফল খোৱাটোও উপকাৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
