কমনৱেলথ গেমছত দেশৰ হৈ ল’ন বলৰ দলীয় শাখাত স্বৰ্ণ পদক লাভ কৰা অসমৰ নয়নমণি শইকীয়াক অসম আৰক্ষীৰ DSP হিচাপে নিযুক্তি প্ৰদান কৰা হৈছে৷
অসমৰ মুখ্যমন্ত্ৰী ডঃ হিমন্ত বিশ্ব শৰ্মাই শনিবাৰে স্বৰ্ণ জয়ী নয়নমণি শইকীয়াক উপ আৰক্ষী অধীক্ষকৰ নিযুক্তি পত্ৰ প্ৰদান কৰে৷ একে সময়তে মুখ্যমন্ত্ৰী ডঃ শৰ্মাই অসম চৰকাৰৰ পৰা স্বৰ্ণ জয়ী খেলুৱৈগৰাকীলৈ ৫০ লাখ টকা আগবঢ়ায়৷
আজি ক্ৰীড়া পেন্সন দিৱস উপলক্ষ্যে জনতা ভৱনত আয়োজিত এক অনুষ্ঠানত স্বৰ্ণজয়ী ক্ৰীড়াবিদগৰাকীক মুখ্যমন্ত্ৰী ডঃ হিমন্ত বিশ্ব শৰ্মাই DSPৰ নিযুক্তি পত্ৰৰ লগতে ৫০ লাখ টকাৰ চেক আগবঢ়ায়৷
লগতে পঢ়ক সোণৰ সংসাৰ কৰিবলৈ প্ৰেমিকৰ সৈতে পলাইছিল প্ৰেমিকা, প্ৰেমিকাক ছুৰিকাঘাত কৰি ধন সোণ লৈ পলাল প্ৰেমিক
উল্লেখ্য যে বাৰ্মিংহাম কমনৱেলথ গেমছ ২০২২ত অসমৰ নয়নমণি শইকীয়া ল’ন বলৰ দলীয় শাখাত স্বৰ্ণ পদক জয়ী কৰি দেশলৈ গৌৰৱ কঢ়িয়াই আনিছিল৷ কমনৱেলথ গেমছত স্বৰ্ণ জয়ৰ পাছতে ক্ৰীড়াবিদগৰাকীক তেওঁ কৰ্তব্যৰত বন বিভাগত উপ পৰিদশকৰ পদলৈ বিভাগীয় পদোন্নতিও প্ৰদান কৰা হৈছিল৷
আনহাতে আজিৰ ক্ৰীড়া পেন্সন দিৱস উপলক্ষ্যে মুখ্যমন্ত্ৰী ডঃ শৰ্মাই ৰাজ্যৰ ৮ গৰাকী খেলুৱৈক ক্ৰীড়া পেঞ্চন প্ৰদান কৰে। এই ৮ গৰাকী খেলুৱৈ হ’ল ক্ৰমে অমৃত কান্তা সিংহ, নতুন সিনহা, ৰঞ্জিত ৰাজকুমাৰ, মৌচুমী ভূঞা, শ্যামলিনি দেৱী, ৰজনী দেউৰী, মনিকংকনা দত্ত বৰুৱা আৰু পল্লৱী দত্ত বৰুৱাক চৰকাৰে প্ৰদান কৰিলে পেন্সন। ইফালে ৪ গৰাকী সৰ্বশ্ৰেষ্ঠ এনচিচি কেডেটক বীৰ চিলাৰায় বঁটা প্ৰদান কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
