ছুইগি ইনষ্টামাৰ্টৰ জৰিয়তে দেশৰ প্ৰধান প্ৰধান চহৰসমূহত কণ্ডম অৰ্ডাৰ কৰাৰ প্ৰৱণতা ক্ৰমশঃ বৃদ্ধি পোৱা পৰিলক্ষিত হৈছে৷ ইতিমধ্যে এই সম্পৰ্কীয় এক সমীক্ষাত দেশৰ প্ৰধান প্ৰধান চহৰসমূহত ছুইগি ইনষ্টামাৰ্টৰ জৰিয়তে কণ্ডম অৰ্ডাৰ কৰাৰ তথ্য প্ৰকাশ পাইছে৷
ফুড ডেলিভাৰী প্লেটফৰ্মৰ মতে, ছুইগি ইনষ্টামাৰ্টৰ জৰিয়তে অনলাইন কণ্ডম অৰ্ডাৰ দিয়াৰ ক্ষেত্ৰত মেট্ৰ’ চহৰৰ তালিকাত মুম্বাই দেশৰ ভিতৰতে শীৰ্ষত আছে।
ছুইগিয়ে প্ৰকাশ কৰা মতে, মুম্বাইৰ গ্ৰাহকে বিগত ১২ মাহত ছুইগি ইনষ্টামাৰ্টত পূৰ্বৰ বৰ্ষতকৈ ৫৭০ গুণৰো অধিক কণ্ডম অৰ্ডাৰ কৰিছে।
লগতে পঢ়ক DSPৰ নিযুক্তি পত্ৰসহ ৫০ লাখ টকা প্ৰদান মুখ্যমন্ত্ৰীৰ, স্বৰ্ণকন্যা নয়মমণি শইকীয়ালৈ অভিনন্দন
ইফালে সংবাদ সংস্থা আইএএনএছৰ প্ৰতিবেদন অনুসৰি যোৱা দুবছৰত অনলাইন অৰ্ডাৰৰ চাহিদা বৃদ্ধি পোৱা আন এটা সামগ্ৰী হৈছে কণী৷ সংবাদ সংস্থাটোৰ মতে যোৱা দুটা বছৰত প্ৰায় ৫ কোটি কণী অৰ্ডাৰ পোৱা গৈছে। প্ৰতিবেদন অনুসৰি বিগত এটা বছৰত বেংগালুৰু, দিল্লী আৰু মুম্বাইয়ে গড়ে ৬০ লাখকৈ কণীৰ অৰ্ডাৰ দিছিল।
ব্ৰেকফাষ্টৰ সময়ত বেংগালুৰু আৰু হায়দৰাবাদৰ গ্ৰাহকে সৰ্বাধিক কণীৰ অৰ্ডাৰ দিয়া বুলি কোৱা হৈছে। আনহাতে, এপটোত আন এটা ব্ৰেকফাষ্ট ষ্টেপল— গাখীৰৰো চাহিদা বৃদ্ধি পাইছে৷ যোৱা দুটা বছৰত গাখীৰ ৩ কোটি অৰ্ডাৰ দিয়া হৈছিল৷ এই ক্ষেত্ৰতো বাংগালুৰু আৰু মুম্বাইয়ে শীৰ্ষ স্থানত আছে।
বেংগালুৰুৱেও সৰ্বাধিক দুগ্ধজাত বিকল্প যেনে সৰিয়হ আৰু ওট মিল্ক অৰ্ডাৰ দিছিল। আমোদজনক কথাটো হ’ল, বেংগালুৰু, মুম্বাই আৰু দিল্লীত ৰাতিৰ আহাৰ গ্ৰহণৰ সময়ত ভাৰতীয় ব্ৰেকফাষ্ট ক্লাছিক প’হা আৰু উপমাৰ ৰেডি টু ইট সংস্কৰণ জনপ্ৰিয় হোৱা বুলি কোৱা হৈছে।
লগতে পঢ়ক সোণৰ সংসাৰ কৰিবলৈ প্ৰেমিকৰ সৈতে পলাইছিল প্ৰেমিকা, প্ৰেমিকাক ছুৰিকাঘাত কৰি ধন সোণ লৈ পলাল প্ৰেমিক
যোৱা এটা বছৰত বাথৰুম ক্লিনাৰ, স্ক্ৰাব পেড, ড্ৰেইন ক্লিনাৰ আদিৰো অনলাইন চাহিদা বৃদ্ধি পাইছে৷
দ্ৰুত বাণিজ্যিক সেৱা ইনষ্টামাৰ্টে যোৱা এটা বছৰত কণ্ডমসহ কণী, চেনিটেৰী নেপকিন আৰু টেম্পন আদিৰ অনলাইন অৰ্ডাৰৰ ১৬ গুণৰো অধিক বৃদ্ধি পাইছে। বেংগালুৰু, মুম্বাই, হায়দৰাবাদ, দিল্লী আৰু চেন্নাইৰ গ্ৰাহকসকল হৈছে এই এপটোৰ সৰ্বাধিক ব্যৱহাৰকাৰী।
আনহাতে Swiggy Instamartত অনলাইন অৰ্ডাৰ অনুসৰি জনপ্ৰিয় সামগ্ৰীৰ তালিকাৰ শীৰ্ষত আছে ক্ৰমে কণ্ডম, কণী চেনিটেৰী নেপকিন আৰু টেম্পন আদি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
