অসম লাইভ২৪ঃ ৰাখে হৰি মাৰে কোনে? এই অপ্তবাক্যশাৰী যেন খাপ খাই পৰে এই ঘটনাটোৰ সৈতে। এম্বুলেঞ্চৰ ভিতৰতেই তিনিটাকৈ সন্তান জন্ম দিলে এগৰাকী মহিলাই। ঘটনাটো মধ্যপ্ৰদেশৰ বায়সেন জিলাৰ।
পিপালিয়া গলি গাওঁৰ জ্যোতি নামৰ মহিলাগৰাকীৰ শুকুৰবাৰে সন্ধিয়া আৰম্ভ হৈছিল প্ৰসৱ বেদনা। মহিলাগৰাকীক পৰিয়ালৰ লোকে গোহৰগঞ্জ প্ৰাথমিক স্বাস্থ্যকেন্দ্ৰত পোনতে লৈ যোৱা হয়। কিন্তু মহিলাগৰাকীৰ স্বাস্থ্যৰ অৱনতি ঘটাত লগে লগেই উন্নত চিকিৎসাৰ বাবে ভোপালৰ ছুলতানীয়া হাস্পতাললৈ পঠিয়াই দিয়া হয়।
কিন্তু হাস্পতাল পোৱাৰ পূৰ্বেই এম্বুলেঞ্চতেই মহিলাগৰাকীয়ে তিনিটা সন্তান প্ৰসৱ কৰে। তাৰপাছতেই হাস্পতালত ভৰ্তি কৰোৱা হয় সন্তান সহ মহিলাগৰাকীক। তিনিওটা সন্তান আৰু মহিলাগৰাকী সম্পূৰ্ণ সুস্থ বুলি জনাইছে চিকিৎসকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
