অসম লাইভ২৪ঃ ফ্ৰান্সৰ ৰাষ্ট্ৰপতি ইমানুৱেল মেক্ৰ’নে বৃহস্পতিবাৰে কৰিছে বিশেষ ঘোষণা। অবাঞ্ছিত গৰ্ভধাৰণ হ্ৰাস কৰাৰ বাবে ১৮ ৰ পৰা ২৫ বছৰীয়া যুৱকৰ বাবে ফাৰ্মাচীত বিনামূলীয়াকৈ কন্ডম উপলব্ধ কৰাৰ ব্যৱস্থা কৰা হ’ব ফ্ৰান্সত।
পশ্চিম ফ্ৰান্সৰ পইটিয়াৰৰ উপনগৰ ফন্টেইন-লে-কমটেত স্বাস্থ্যসম্পৰ্কীয় এক বৈঠকত মেক্ৰ’নে কয়, ‘এয়া গৰ্ভনিৰোধৰ বাবে এটা সৰু বিপ্লৱ। চৰকাৰে এই বছৰ ২৫ বছৰৰ তলৰ সকলো মহিলাৰ বাবেই জন্ম নিয়ন্ত্ৰণৰ বাবে ব্যৱস্থা গ্ৰহণৰ সিদ্ধান্ত লৈছে। জন্ম নিয়ন্ত্ৰণৰ বাবে যুৱতীসকলৰ মাজত গৰ্ভনিৰোধক বড়ি দিয়াৰ লগতে পুৰুষৰ বাবেও বিনামূলীয়া কণ্ডম প্ৰদান কৰাৰ সিদ্ধান্ত লৈছে।’
ইয়াৰোপৰি এইছ আইভি নিয়ন্ত্ৰণৰ ক্ষেত্ৰতো এই পদক্ষেপ খুবেই গুৰুত্বপূৰ্ণ বুলি জনাইছে ৰাষ্ট্ৰপতি ইমানুৱেল মেক্ৰ’নে। সামগ্ৰিক যৌন শিক্ষাৰ ক্ষেত্ৰতো বিদ্যালয়সমূহতো সজাগতা সৃষ্টিৰ বাবে বিশেষ পদক্ষেপ গ্ৰহণ কৰিছে ৰাষ্ট্ৰপতি মেক্ৰনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
