অসম লাইভ২৪ঃ ‘দৰ্পচূৰ্ণ’ ‘জাতি-মাটি-ভেটি ৰক্ষা প্ৰচণ্ড শব্দ। বৰগীত খোল তালে হেৰুৱাইছে ছন্দ।’ ভূপেন বৰাৰ এটৰ পিছত আনটো কবিতাই চৰ্চা লাভ কৰিছে। সামাজিক মাধ্যমত এতিয়া বহুতৰে দাবী, ভূপেন বৰাই ৰাজনীতি কৰাতকৈ সাহিত্য চৰ্চাতহে মনোনিৱেশ কৰা ভাল।
কবিতাৰে মনৰ ভাৱ প্ৰকাশ কৰাটো ভূপেন বৰাৰ নতুন ৰাজনৈতিক ষ্ট্ৰেটেজী নে কংগ্ৰেছ দলৰ এতিয়া কাৰ্যকলাপ শূন্য বাবেই এনেবোৰ কাৰ্যকলাপ কৰিছে বুলিও একাংশই সামাজিক মাধ্যমত প্ৰচাৰ চলাইছে। তেজস্বিতাৰ মৃত্যুক লৈ ভুপেন বৰাই ৰচা নতুন কবিতাত অসমৰ বৰ্তমান প্ৰেক্ষাপটকেই তুলি দিয়া হৈছে বুলিও একাংশ ছচিয়েল মিডিয়া ইউজাৰে উল্লেখ কৰিছে।
উল্লেখ্য যে এই বৰ্ষতেই আৰম্ভ হোৱা কবিতাৰ ৰাজনীতত পোনতে পিয়ুষ হাজৰিকাইয়ো অংশগ্ৰহণ কৰিছিল যদিও শেষলৈ তেওঁ এইসমূহৰ পৰা আঁতৰি থকা পৰিলক্ষিত হৈছে। ইফালে কবিতাৰে এজন ৰাজনীতিবিদে আন এগৰাকী ৰাজনীতিবিদৰ কাম-কাজৰ সমালোচনা কৰাটোক লৈ একাংশ ৰাজনৈতিক বিশেষজ্ঞই, এইয়া ৰাজনীতিৰ পক্ষে শুভ লক্ষণ বুলিও প্ৰকাশ কৰিছিল।
লঘু কথাৰ চুপতা-চুপতিতকৈ কবিতাৰ ৰাজনীতিয়ে অসমৰ ৰাজনীতিত সুস্থিৰ এক পৰিবেশৰ সূচনা কৰিব বুলিও মন্তব্য কৰিছিল ৰাজনৈতিক বিশেষজ্ঞসকলে। ভূপেন বৰাই আৰম্ভ কৰা কবিতাৰ ৰাজনীতিয়ে সঁচাকৈয়ে অসমৰ ৰাজনীতত অন্য মাত্ৰা দিবনে কেৱল অসমবাসীয়ে হাঁহিৰ খোৰাক হিচাপে ল’ব সেয়া থিৰাং কৰিব অসমবাসীয়েই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
