অসম লাইভ২৪ঃ প্ৰতিদিনেই খোজ কাঢ়িয়েই ভাল কৰিব পাৰিব হৃদৰোগ। কেৱল হৃদৰোগেই নহয় কৰ্কট, ডিমেনছিয়াকে ধৰি বহু ৰোগৰ পৰাই উপশম পোৱাৰ একমাত্ৰ উপায়েই খোজ কঢ়া বুলি শৰীৰ চৰ্চাবিদসকলে বিভিন্ন সময়ত দাবী কৰি আহিছে।
নিয়মিত শৰীৰ চৰ্চা কৰিলে ডিমেনছিয়া, কৰ্কট, হৃদৰোগ আদি ৰোগৰ সম্ভাৱনা বহু পৰিমানে কমি যায়। শৰীৰচৰ্চাৰ আটাইতকৈ সহজ উপায় হৈছে খোজকঢ়া। নিয়মিত কিমান খোজ কাঢ়িলে এই সমস্যা সমূহৰ পৰা উপশম পাব পাৰে?
‘জামা ইণ্টাৰনেশ্ব্যনেল মেডিচিন’ আৰু ‘জামা নিউৰলজি’-ৰ যুটিয়া গৱেষণাত পোহৰলৈ আহিছে এই তথ্য। গৱেষণাৰ অন্তত বিজ্ঞানীসকলে প্ৰকাশ কৰিছে যে প্ৰতিদিনে কমপক্ষেও ১০ হাজাৰ খোজ দিলে ডিমেনছিয়াৰ পৰা হাত সাৰিব পাৰি। এনেদৰে খোজ কাঢ়িলে ডিমেনছিয়াৰ সম্ভাৱনা ৫০ শতাংশলৈ কমি যায়। এদিনতেই ১৯ হাজাৰ ষ্টেপ খোজ কঢ়াৰ অভ্যাস গঢ়ি তোলাটো সহজনে? এই অভ্যাস এদিনতে গঢ়ি তোলা সহজ নহয়। প্ৰত্যেক দিনেই লাহে লাহে খোজকঢ়াৰ সময় বঢ়াই যাব লাগে। সমীক্ষাত প্ৰকাশ কৰা অনুসৰি প্ৰতি মিনিটত ৮০ ৰ পৰা ১০০ খোজ দিব পাৰিলে বা প্ৰত্যেক দিনেই ৩০ মিনিট খোজ কাঢ়িলে কৰ্কটৰ আশংকা ২৫ শতাংশলৈ হ্ৰাস হয়।
আৰম্ভনিতে প্ৰত্যেক দিনেই আধা ঘণ্টাৰ ভিতৰত ১০ হাজাৰ খোজ দিয়াৰ লক্ষ্য পূৰণ কৰিব নোৱাৰিলেও চিন্তাৰ কাৰণ নাই। ৩০ মিনিটৰ সলনি গোটেই দিনৰ ভিতৰত ১০,০০০ ষ্টেপ খোজ কাঢ়িলেও যথেষ্ট উপকাৰ পোৱা যায়। কিমান সময়ত কিমান ষ্টেপ খোজ কাঢ়িলে সেয়া নিৰীক্ষণ কৰাৰো প্ৰয়োজনীয়তা আছে। খোজৰ হিঁচাপ ৰাখিবলৈ কেৱল যে স্মাৰ্ট ঘড়ী বা অন্য কোনো মাপক যন্ত্ৰই লাগে এনে নহয়।
এটা নিৰ্দিষ্ট সময়লৈ খোজ কাঢ়িলে শৰীৰৰ পৰা ঘাম বাহিৰ হয়েই। এনেদৰে খোজ কাঢ়োতে লক্ষ্য কৰিব লাগে যে আমি খোজ কাঢ়ি থাকোতে গান গাবলৈ চেষ্টা কৰোতে আমাৰ উশাহ চুটি হৈছে নেকি? বা কথা কওঁতেও উশাহ চুটি হৈ আহিছে নেকি? যদি খোজ কঢ়াৰ সময়ত কথা কওতে উশাহ চুটি হয় তেন্তে সঠিক গতিতেই খোজ কাঢ়িছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
