আজিকালি প্ৰায় সকলোৰে পকেটত ক্ৰেডিট কাৰ্ড আছে। ক্ৰেডিট কাৰ্ডত বিভিন্ন অফাৰ, ৰেহাই আৰু ৰিৱৰ্ড পইণ্ট উপলব্ধ। ইয়াৰ বাবে বহুতে ক্ৰেডিট কাৰ্ড ব্যৱহাৰ কৰে। ই-কমাৰ্চ ৱেবছাইটত বস্তু ক্ৰয় কৰিবলৈও ক্ৰেডিট কাৰ্ডৰ বহুল ব্যৱহাৰ কৰা হৈছে। কিন্তু ক্ৰেডিট কাৰ্ডৰ ব্যৱহাৰ বৃদ্ধিৰ লগে লগে প্ৰৱঞ্চনাও বাঢ়িছে। ক্ৰেডিট কাৰ্ডৰ পৰা অ’টিপিৰ জৰিয়তে ধন চুৰি হৈছে, কাৰ্ডৰ সবিশেষ আৰু স্পেম লিংকৰে চুৰি হৈছে। ভাৰতীয় ৰিজাৰ্ভ বেংকে এনে প্ৰৱঞ্চনাৰ বলি হোৱা লোকসকলক সহায়ৰ বাবে এক গুৰুত্বপূৰ্ণ সিদ্ধান্ত গ্ৰহণ কৰিছে। ক্ৰেডিট কাৰ্ড জালিয়াতি সন্দৰ্ভত বেংকক গুৰুত্বপূৰ্ণ নিৰ্দেশনা দিছে।
আৰ বি আইয়ে কি নিৰ্দেশনা দিলে?
ক্ৰেডিট কাৰ্ড জালিয়াতিৰ বলি হোৱা লোকক পাঁচ দিনৰ ভিতৰত ধন ঘূৰাই দিব লাগিব বুলি ভাৰতীয় ৰিজাৰ্ভ বেংকে নিৰ্দেশ দিছে। কোৱা হৈছে যে বেংকে প্ৰৱঞ্চনামূলক লেনদেন বাতিল কৰি সেই ধন ঘূৰাই দিব লাগিব, গ্ৰাহকে অভিযোগ কৰক বা নকৰক। ডিজিটেল জালিয়াতিৰ ক্ষেত্ৰত গ্ৰাহকৰ দায়বদ্ধতা সীমিত কৰাৰ বাবে জাৰি কৰা হৈছে নতুন নিয়ম।
এই নিয়ম কেতিয়া কাৰ্যকৰী হ’ব?
এই নতুন নিৰ্দেশনা ২০২৭ চনৰ ১ জানুৱাৰীৰ পৰা কাৰ্যকৰী হ’ব। বেংকৰ ভুল বা গাফিলতিৰ বাবে যদি এই জালিয়াতি সংঘটিত হয়, তেন্তে বেংকে পাঁচ দিনৰ ভিতৰত সম্পূৰ্ণ ধন ঘূৰাই দিব লাগিব। যদিহে বেংক বা গ্ৰাহকৰ কোনো দোষ নোহোৱাকৈ তৃতীয় পক্ষৰ হেকিঙৰ বাবে প্ৰৱঞ্চনা সংঘটিত হয়, তেন্তে পাঁচ দিনৰ ভিতৰত অভিযোগ দাখিল কৰিলে গ্ৰাহকৰ কোনো দায়িত্ব নাথাকিব। পাঁচ দিনৰ পাছত যদি অভিযোগ দাখিল কৰা হয়, তেন্তে বেংকৰ নীতি অনুসৰি সিদ্ধান্ত লোৱা হ’ব।
গ্ৰাহকে অভিযোগ দাখিল কৰাৰ পিছত যদি কোনো অকৰ্তৃত্বশীল লেনদেন হয়, তেন্তে তাৰ দায়িত্ব বেংকে ল’ব লাগিব। গ্ৰাহকে চুৰি হোৱা ধন ঘূৰাই দিব লাগিব। এনে ক্ষেত্ৰত কোনো ধৰণৰ সুত বা অতিৰিক্ত চাৰ্জ লোৱা নহয়।
কিমান টকা ঘূৰাই দিয়া হ’ব?
প্ৰথমবাৰৰ বাবে চাইবাৰ জালিয়াতিৰ ক্ষেত্ৰত ৫০ হাজাৰ টকা পৰ্যন্ত ৮৫ শতাংশ ক্ষতিপূৰণ প্ৰদান কৰা হ’ব। অৱশ্যে এই ক্ষতিপূৰণ জীৱনত এবাৰ দিয়া হ’ব। গ্ৰাহকে কৰা ৫০০ টকাৰ ওপৰৰ লেনদেনৰ বাবে বেংকে ডিজিটেল চেনেলৰ জৰিয়তে এছএমএছ প্ৰেৰণ কৰিব লাগিব। ৫০০ টকা পৰ্যন্ত লেনদেনৰ বাবে বেংকে নিজৰ আভ্যন্তৰীণ নীতি অনুসৰি সিদ্ধান্ত ল’ব লাগিব। অহা বছৰৰ পৰা কাৰ্যকৰী হ’ব এই নিয়ম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
