এই ৰাশিৰ লোকৰ বাবে আজি বিশেষ দিন

আজি পুৱাৰ সময়ছোৱাত কেইবাটাও ৰাশিৰ বাবে কিছু সাৱধানতা অৱলম্বন কৰাৰ প্ৰয়োজন হ’ব পাৰে। অৱশ্যে দুপৰীয়াৰ পাছত পৰিস্থিতি অধিক অনুকূল হৈ পৰাৰ সম্ভাৱনা আছে। সূৰ্য আৰু বুধৰ সংযোগে বুদ্ধিমত্তা, যোগাযোগৰ দক্ষতা আৰু আত্মবিশ্বাস বৃদ্ধিৰ বাবে অনুকূল পৰিৱেশ সৃষ্টি কৰিছে। বৃহস্পতিবাৰ হোৱা বাবে বৃহস্পতিৰ আশীৰ্বাদো আজি বিশেষভাৱে গুৰুত্বপূৰ্ণ বুলি জ্যোতিষশাস্ত্ৰত অনুমান কৰা হৈছে। সূৰ্য আৰু বুধে মিলি আজিৰ দিনটো কন্যা ৰাশিৰ বাবে বিশেষ দিন হিচাপে পৰিগণিত কৰি তুলিব পাৰে।

মেষৰ পৰা মীনলৈ আজি কোন ৰাশিৰ দিন কেনেকুৱা হ’ব, জানো আহক।

মেষ

আজি পুৱাৰ সময়ছোৱাত অলপ সাৱধান হোৱা উচিত। বিশেষকৈ গুৰুত্বপূৰ্ণ সিদ্ধান্ত লোৱাৰ ক্ষেত্ৰত দুপৰীয়ালৈ অপেক্ষা কৰাটো ভাল হ’ব। সৃষ্টিশীল কাম আৰু প্ৰেমৰ ক্ষেত্ৰত মন শান্ত থাকিব। পৰিয়ালৰ পৰিৱেশ সুখদায়ক আৰু সুস্থিৰ হ’ব। অংশীদাৰৰ সৈতে সম্পৰ্ক মধুৰ হৈ থাকিব আৰু কথা-বতৰাত স্পষ্টতা থাকিব। অৱশ্যে অতিৰিক্ত খৰচৰ পৰা সাৱধান হওক।
শুভ ৰং: ৰঙা
শুভ সংখ্যা: ৯
প্ৰতিকাৰ: আজি বিষ্ণু সহস্ৰনাম পাঠ কৰক।

বৃষ

পুৱাৰ ভাগত কিছু সাৱধানতা অৱলম্বন কৰক। দিনটো আগবঢ়াৰ লগে লগে পৰিস্থিতি আপোনাৰ বাবে অধিক অনুকূল হ’ব। পৰিয়াল আৰু ঘৰুৱা বিষয়ত মন শান্ত থাকিব। স্বাস্থ্য আৰু দৈনন্দিন কাম-কাজতো উন্নতি দেখা যাব পাৰে। কথা-বতৰাত স্পষ্টতা থাকিব। আৰ্থিক লাভ লাহে লাহে আহিব পাৰে, সেয়ে ধৈৰ্য ধৰি আগবাঢ়ক।
শুভ ৰং: হালধীয়া
শুভ সংখ্যা: ৬
প্ৰতিকাৰ: আজি কলগছত পানী আগবঢ়াওক।

মিথুন

আজি আপোনাৰ ব্যক্তিত্ব আৰু আত্মবিশ্বাস সক্ৰিয় হৈ থাকিব যদিও মাজে মাজে অলপ অস্বস্তি অনুভৱ কৰিব পাৰে। সেয়ে ডাঙৰ সিদ্ধান্ত লোৱাত খৰখেদা নকৰিব। ধন আৰু কথা-বতৰাৰ ক্ষেত্ৰত স্পষ্টতা বজাই ৰাখক। প্ৰেম আৰু সৃষ্টিশীলতাৰ ক্ষেত্ৰত দিনটো মধুৰ হ’ব। কেৰিয়াৰত কৰা পৰিশ্ৰমৰ ফল পাবলৈ কিছু পলম হ’ব পাৰে, গতিকে ধৈৰ্য নেহেৰুৱাব। দুপৰীয়াৰ পাছত পৰিৱেশ অধিক স্বাভাৱিক আৰু সুখদায়ক হ’ব।
শুভ ৰং: সেউজীয়া
শুভ সংখ্যা: ৫
প্ৰতিকাৰ: ছাত্ৰ-ছাত্ৰীক বহী-কিতাপ দান কৰক।

কৰ্কট

আজি বৃহস্পতিৰ আশীৰ্বাদে আপোনাৰ আত্মবিশ্বাস বৃদ্ধি কৰিব পাৰে। ঘৰ-পৰিয়াল আৰু ব্যক্তিগত জীৱনত সুখ আৰু মধুৰতা থাকিব। অৱশ্যে আৰ্থিক বিষয়ত কিছু সাৱধান হোৱা প্ৰয়োজন। সম্পৰ্কবোৰ অধিক গভীৰ হ’ব পাৰে। আপোনাৰ চিন্তা আৰু কথা-বতৰাত স্পষ্টতা থাকিব। বৃহস্পতিবাৰ হোৱা বাবে প্ৰাৰ্থনা আৰু পূজা-পাঠৰ বাবে দিনটো শুভ বুলি ধৰা হয়।
শুভ ৰং: হালধীয়া
শুভ সংখ্যা: ২
প্ৰতিকাৰ: ভগৱান বিষ্ণুক হালধীয়া কাপোৰ অৰ্পণ কৰক।

সিংহ

আজি পুৱাৰ ভাগত আপোনাৰ আত্মবিশ্বাস আৰু ব্যক্তিত্ব বিশেষভাৱে প্ৰকাশ পাব। দুপৰীয়াৰ পাছত এই ইতিবাচক শক্তি, ধন আৰু কথা-বতৰাৰ ক্ষেত্ৰত দেখা যাব পাৰে। আপোনাৰ কথাত গুৰুত্ব থাকিব আৰু আনেও আপোনাৰ কথা মন দি শুনিব। পৰিয়ালৰ পৰিৱেশ সুখদায়ক হ’ব। সম্পৰ্কতো বুজাবুজি বৃদ্ধি পাব। পূজা-পাঠৰ বাবেও দিনটো ভাল বুলি ধৰা হৈছে।
শুভ ৰং: সোণালী
শুভ সংখ্যা: ১
প্ৰতিকাৰ: আদিত্য হৃদয় স্তোত্ৰ পাঠ কৰক।

কন্যা

আজি পুৱাৰ পৰাই আপোনাৰ বাবে এক অনুকূল গ্ৰহীয় পৰিৱেশ সৃষ্টি হৈছে। বুদ্ধিমত্তা, যোগাযোগৰ দক্ষতা আৰু আত্মবিশ্বাস বৃদ্ধি পাব পাৰে। গুৰুত্বপূৰ্ণ কথা-বতৰা, উপস্থাপন বা সিদ্ধান্ত গ্ৰহণৰ বাবে দিনটো ভাল। আৰ্থিক দিশতো পৰিস্থিতি অনুকূল থাকিব পাৰে। অৱশ্যে কেৰিয়াৰত কিছু প্ৰত্যাহ্বানৰ সন্মুখীন হ’ব পাৰে, সেয়ে ধৈৰ্য আৰু সংযম বজাই ৰাখক। সামাজিক ক্ষেত্ৰতো সমৰ্থন লাভ কৰাৰ সম্ভাৱনা আছে।
শুভ ৰং: আকাশী নীলা
শুভ সংখ্যা: ৬
প্ৰতিকাৰ: বিষ্ণু সহস্ৰনাম পাঠ কৰক।

তুলা

আজি আপোনাৰ ব্যক্তিত্ব আকৰ্ষণীয় আৰু আত্মবিশ্বাসী হৈ থাকিব। লাভ আৰু সামাজিক সম্পৰ্কৰ বিষয়বোৰ শান্তভাৱে চিন্তা কৰিব পাৰিব। পিতৃ বা কোনো গুৰুস্থানীয় ব্যক্তিৰ সৈতে মতানৈক্য হ’ব পাৰে, সেয়ে তৰ্ক-বিতৰ্কৰ পৰা আঁতৰি থাকক। কেৰিয়াৰত অগ্ৰগতিৰ সুযোগ আহিব পাৰে। দুপৰীয়াৰ পাছত পৰিস্থিতি অধিক অনুকূল হোৱাৰ সম্ভাৱনা আছে।
শুভ ৰং: হালধীয়া
শুভ সংখ্যা: ৬
প্ৰতিকাৰ: আজি কলগছ পূজা কৰক।

বৃশ্চিক

আজি মন কিছু সংবেদনশীল আৰু দুৰ্বল অনুভৱ কৰিব পাৰে। সেয়ে নিজৰ ওপৰত অতিৰিক্ত চাপ নিদিব। ডাঙৰ সিদ্ধান্ত লোৱাটো কিছু সময়ৰ বাবে পিছুৱাই দিয়াই ভাল। কেৰিয়াৰ সম্পৰ্কীয় বিষয়ত মন সক্ৰিয় থাকিব। ভাগ্য আৰু পিতৃৰ সৈতে জড়িত বিষয়ত বৃহস্পতিৰ অনুকূল প্ৰভাৱ থাকিব পাৰে। সম্পৰ্কৰ ক্ষেত্ৰত মৰম আৰু বুজাবুজি বজাই ৰাখক।
শুভ ৰং: হালধীয়া
শুভ সংখ্যা: ৯
প্ৰতিকাৰ: ভগৱান বিষ্ণুক তুলসী অৰ্পণ কৰক।

ধনু

আজি ভাগ্য আৰু বিশ্বাসৰ ক্ষেত্ৰত বৃহস্পতিৰ অনুকূল প্ৰভাৱ থাকিব পাৰে। সংগী বা জীৱনসংগীৰ সৈতে অযথা তৰ্ক-বিতৰ্ক নকৰিব। সংযমেৰে পৰিস্থিতি চম্ভালক। কেৰিয়াৰত কৰা পৰিশ্ৰমৰ ফল লাভ কৰিব পাৰে, যদিও কিছু পলম হ’ব পাৰে। লাভ আৰু সামাজিক যোগাযোগৰ ক্ষেত্ৰতো মধুৰতা থাকিব। বৃহস্পতিবাৰ হোৱা বাবে দিনটো আপোনাৰ বাবে বিশেষ তাৎপৰ্যপূৰ্ণ।
শুভ ৰং: হালধীয়া
শুভ সংখ্যা: ৩
প্ৰতিকাৰ: বৃহস্পতিৰ সৈতে জড়িত মন্ত্ৰ জপ কৰক।

মকৰ

সাহস আৰু কঠোৰ পৰিশ্ৰমৰ জৰিয়তে আজি লাহে লাহে অগ্ৰগতি লাভ কৰিব পাৰিব। কামত ধাৰাবাহিকতা বজাই ৰখাটো অতি প্ৰয়োজনীয়। হঠাৎ ঘটা ঘটনা বা কোনো লুকাই থকা বিষয়ক লৈ চিন্তা বা উদ্বেগ হ’ব পাৰে। সম্পৰ্কৰ ক্ষেত্ৰত বৃহস্পতিৰ অনুকূল প্ৰভাৱ থাকিব পাৰে আৰু বুজাবুজি বৃদ্ধি পাব। কেৰিয়াৰত সফলতা আৰু সন্মান লাভৰ সুযোগ আছে। প্ৰতিযোগিতামূলক ক্ষেত্ৰত অধিক পৰিশ্ৰম কৰিব লাগিব পাৰে।
শুভ ৰং: বগা
শুভ সংখ্যা: ৮
প্ৰতিকাৰ: ক’লা তিল বা লোহা দান কৰক।

কুম্ভ

আজি আপোনাৰ ব্যক্তিত্বত এক বিশেষ আকৰ্ষণ দেখা যাব পাৰে। সম্পৰ্ক আৰু অংশীদাৰিত্বৰ ক্ষেত্ৰত উষ্ণতা থাকিব। আৰ্থিক বিষয়ত শৃংখলা বজাই ৰখাটো অতি প্ৰয়োজনীয়। ভাগ্য আপোনাৰ অনুকূলে থাকিব পাৰে। প্ৰেম আৰু সৃষ্টিশীলতাৰ ক্ষেত্ৰত খৰখেদা নকৰিব। স্বাস্থ্য আৰু প্ৰতিযোগিতামূলক ক্ষেত্ৰত অনুকূল পৰিস্থিতি লাভ কৰাৰ সম্ভাৱনা আছে।
শুভ ৰং: হালধীয়া
শুভ সংখ্যা: ৪
প্ৰতিকাৰ: বিশেষভাৱে সক্ষম লোকক খাদ্য খুৱাওক বা সহায় কৰক।

মীন

আজি সৃষ্টিশীলতা, প্ৰেম আৰু ভাগ্যৰ ক্ষেত্ৰত বৃহস্পতিৰ আশীৰ্বাদ লাভ কৰিব পাৰে। মন স্বাস্থ্য আৰু দৈনন্দিন কাম-কাজৰ ওপৰত অধিক কেন্দ্ৰীভূত থাকিব। কামৰ মাজতে পৰ্যাপ্ত জিৰণি লোৱাটোও গুৰুত্বপূৰ্ণ। সম্পৰ্ক আৰু অংশীদাৰিত্বৰ ক্ষেত্ৰত উষ্ণতা থাকিব। জীৱনত কিছু দায়িত্ব বা চাপ থাকিলেও নিয়ম-শৃংখলা বজাই ৰাখিলে পৰিস্থিতি নিয়ন্ত্ৰণত থাকিব। প্ৰাৰ্থনা আৰু ধৰ্মীয় আচাৰ-অনুষ্ঠানৰ বাবে দিনটো অনুকূল বুলি ধৰা হৈছে।
শুভ ৰং: হালধীয়া
শুভ সংখ্যা: ৭
প্ৰতিকাৰ: ‘ওম নমো ভগৱতে বাসুদেৱায়’ মন্ত্ৰ জপ কৰক।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ