আই পি এছ বিষয়া দলজিৎ সিং চৌধাৰীক বি এছ এফৰ অতিৰিক্ত দায়িত্ব
সীমান্ত সুৰক্ষা বাহিনীৰ সঞ্চালক প্ৰধান নীতিন আগৰৱালক শুকুৰবাৰে ২ আগষ্ট তাৰিখে পদৰ পৰা অপসাৰণ কৰি তেওঁক ৰাজ্যিক কেডাৰলৈ প্ৰেৰণ কৰা হয়। এতিয়া কেন্দ্ৰীয় চৰকাৰে নীতিন আগৰৱালৰ বিৰুদ্ধে কঠোৰ ব্যৱস্থা লোৱাৰ এদিন পিছতে বি এছ এফে নতুন ডি জি লাভ কৰিছে।
সশস্ত্ৰ সীমা বাল (এছ এছ বি)ৰ ডি জি দলজিৎ সিং চৌধাৰীক ডি জি (বি এছ এফ) পদৰ অতিৰিক্ত দায়িত্ব প্ৰদান কৰা হৈছে। এই তথ্য কেন্দ্ৰীয় গৃহ মন্ত্ৰালয়ে এক স্মাৰক পত্ৰৰ জৰিয়তে জাৰি কৰিছে।
গৃহ মন্ত্ৰালয়ে জাৰি কৰা স্মাৰক পত্ৰত কোৱা হৈছে যে, “বি এছ এফৰ সঞ্চালক প্ৰধান (ডি জি) নীতিন আগৰৱালক তৎকালীনভাৱে কাৰ্যকৰী হোৱাকৈ তেওঁৰ ৰাজ্যিক কেডাৰলৈ প্ৰেৰণ কৰা হৈছে। এতিয়া ডি জি (বি এছ এফ) পদৰ অতিৰিক্ত চাৰ্জ ডি জি (এছ এছ বি) দলজিত সিং চৌধাৰীক দিয়া হ’ব।” নিয়মীয়া বিষয়া নিযুক্তি নোপোৱালৈকে চৌধুৰীক ডিজি বিএছএফৰ অতিৰিক্ত দায়িত্ব অৰ্পণ কৰা হৈছে।
উল্লেখ্য যে, বিগত কেইসপ্তাহমানৰ ভিতৰত জম্মু-কাশ্মীৰত সন্ত্ৰাসবাদী ঘটনা বহু পৰিমাণে বৃদ্ধি পাইছে। ইয়াৰ বাবেই বহু জোৱান শ্বহীদো হৈছে। উপত্যকাটোত এতিয়ালৈকে সংঘটিত হোৱা আক্ৰমণ এতিয়া জম্মুতো দেখা গৈছে। অনুপ্ৰৱেশৰ ঘটনাও বৃদ্ধি পাইছে। তথ্য অনুসৰি চলিত বৰ্ষৰ ২১ জুলাইলৈকে ১৪ জন জোৱান শ্বহীদ হৈছে। ইয়াৰ উপৰিও ১৪ জন সাধাৰণ নাগৰিকৰো মৃত্যু হৈছে। এই ঘটনাৰ বাবেই গৃহ মন্ত্ৰালয়ে নীতিন আগৰৱালক বি এছ এফৰ ডি জি পদৰ পৰা অপসাৰণ কৰি কেডাৰ ৰাজ্যলৈ প্ৰেৰণ কৰে।
কিন্তু চৰকাৰৰ এই ব্যৱস্থা কেৱল নীতিন আগৰৱালৰ বিৰুদ্ধে লোৱা নাই, আনহাতে তেওঁৰ উপ-বিশেষ সঞ্চালক প্ৰধান (পশ্চিম) ৱাই.বি. খুৰাণিয়াকো পদৰ পৰা অপসাৰণ কৰি কেডাৰ ৰাজ্যলৈ প্ৰেৰণ কৰা হয়। খুৰানিয়া ১৯৯০ চনত ওড়িশা কেডাৰৰ বেচ অফিচাৰ। বিগত বৰ্ষৰ জুন মাহতহে এই পদ গ্ৰহণ কৰিছিল নীতিন আগৰৱালে। ইয়াৰ পূৰ্বে তেওঁ পাকিস্তানৰ সৈতে সীমান্ত নিৰীক্ষণ কৰা বিশেষ ডিজি (পশ্চিম)ৰ কমাণ্ডত আছিল। ২০২৬ চনত অৱসৰ ল’বলৈ গৈ আছে নীতিন আগৰৱালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
