অসম লাইভ ২৪ঃ ডাৰভাংগা বিষ্ফোৰণত জড়িত আছিল সংন্ত্ৰাসবাদী সংগঠন লস্কৰ-ই-তৈবাৰ। NIAৰ হাতত গ্ৰেপ্তাৰ হ’ল লস্কৰ-ই-তৈবাৰ দুই সন্ত্ৰাসবাদী। বুধবাৰে হায়দৰাবাদৰ পৰা NIAই গ্ৰেপ্তাৰ কৰে বিষ্ফোৰণ কাণ্ডৰ মূল অভিযুক্ত ইমৰাণ মালিক আৰু মহম্মদ নাছিৰ মালিকক। ঘটনা সন্দৰ্ভত প্ৰতিদিনে ন ন তথ্য উদঘাটন হৈ আছে। ইমৰাণ মালিক আৰু মহম্মদ নাছিৰ মালিক লস্কৰ-ই-তৈবাৰ সৈতে জড়িত থকাৰ তথ্য পোহৰলৈ আহিছিল তেলেংগানা আৰক্ষীৰ ইণ্টেলিজেন্স চেলৰ অনুসন্ধানত। আৰক্ষীৰ ভাষ্য অনুসৰি, সন্ত্ৰাসবাদীয়ে ট্ৰেইনখন সম্পূৰ্ণৰূপে ধ্বংসৰ কৰাৰ পৰিকল্পনা কৰিছিল। ট্ৰেইনত চেঞ্চৰ সংযোগ কৰিছিল। কিন্তু লোককেইজনৰ ভুলৰ বাবে পৰিকল্পনা অনুসৰি সংঘটিত নহ’ল বিষ্ফোৰণটো। সম্প্ৰতি দুই অপৰাধীক জেৰা অব্যাহত ৰাখিছে NIAৰ আদালতে। উল্লেখ্য, ১৭ জুনত বিহাৰৰ ডাৰভাংগা ৰেল ষ্টেচনত সংঘটিত হৈছিল এই বিষ্ফোৰণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
