ভাৰতীয় নাগৰিকসকলৰ বাবে বাধ্যতামূলক আধাৰ কাৰ্ড৷ যি কোনো চৰকাৰী কামতেই আধাৰ কাৰ্ড থকাটো প্ৰয়োজনীয়৷ আধাৰ কাৰ্ড নাথাকিলে গুৰুত্বপূৰ্ণ কাম ৰৈ যায়৷ কিন্তু আধাৰ কাৰ্ড সম্পৰ্কে বহু তথ্যই আমি নাজানো৷ যেনে আধাৰ কাৰ্ড দেখুৱাই আমি লাখ লাখ টকাৰ ঋণ ল’ব পাৰো৷ কেনেকৈ ঋণ ল’ব আধাৰ কাৰ্ডৰ পৰা?
আধাৰ কাৰ্ড সাধাৰণ এখন ডকুমেণ্ট নহয়৷ এখন আধাৰ কাৰ্ডৰ মাধ্যমেৰে ঋণো ল’ব পাৰি৷ ৫বছৰীয়া শিশুসকলৰ যেনেকৈ বাল্য আধাৰ থাকে তেনেকৈ এখন আধাৰ কাৰ্ড হৈছে উদ্যোগ আধাৰ৷ এই আধাৰ কাৰ্ডখন বিশেষভাৱে ব্যৱসায়ীসকলৰ বাবে৷ এই আধাৰ কাৰ্ডৰ মাধ্যমেৰে ২৫ লাখ টকাৰ পৰা সৰ্বাধিক ১০ কোটি টকা পৰ্যন্ত ঋণ পোৱা যায়৷ ইয়াৰ বাবে কোনো জামানত দিব নালাগে৷ ইয়াৰোপৰি ঋণৰ সুদত ৰেহাইয়ো পোৱা যায়৷
ক্ষুদ্ৰ ব্যৱসায়ী আৰু মধ্যমীয়া ব্যৱসায়ী, উদ্যোগপতিৰ বাবে এই ধৰণৰ আধাৰ কাৰ্ড ইছ্যু কৰা হয়৷ ব্যৱসায়ীসকলে ঋণ পাবলৈ যাতে সুবিধা হয় তাৰবাবে এই বিশেষ আধাৰ কাৰ্ড আনিছে কেন্দ্ৰীয় চৰকাৰে৷ এই আধাৰ কাৰ্ডৰ আৰু এটি সুবিধা হৈছে আবকাৰী আৰু ডাইৰেক্ট টেক্সত ৰেহাই পোৱা৷ ব্যৱসায়ৰ পেটেণ্ট আৰু ট্ৰেডমাৰ্ক ফাইল কৰাৰ সময়তো ৫০শতাংশলৈকে ৰেহাই লাভ কৰে ব্যৱসায়ীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
