ভাৰত জুৰি কেন্দ্ৰীয় চৰকাৰৰ কৰ্মী আৰু পেঞ্চনভোগীয়ে অষ্টম পে কমিছনক লৈ অধীৰ আগ্ৰহেৰে অপেক্ষা কৰিছে৷ আৰু এই পে কমিছন আহিলে তেওঁলোকৰ দৰমহা আৰু পেঞ্চন উল্লেখযোগ্যভাৱে বৃদ্ধি পাব৷ অষ্টম পে কমিছন আহিলে চৰকাৰী কৰ্মচাৰীসকলৰ দৰমহা এক ধাক্কাত ৩০ৰ পৰা ৩৪শতাংশ পৰ্যন্ত বৃদ্ধি পাব৷ এই সংশোধিত দৰমহা কাঠামো ২০২৬বা ২০২৭ চনত কাৰ্যকৰ হোৱাৰ কথা আছে বুলিও ধাৰণা কৰা হৈছে৷ ইয়াৰ ফলত কেন্দ্ৰীয় চৰকাৰৰ কোষাগাৰত অতিৰিক্ত ১.৮লাখ কোটি টকাৰ বোজা বাঢ়িব৷
২০১৬ চনৰ জানুৱাৰী মাহত বৰ্তমান চলি থকা সপ্তম পে কমিছন কাঠামো আৰম্ভ কৰা হৈছিল৷ প্ৰতি ১০ বছৰ অন্তৰে অন্তৰে সাধাৰণ পে কমিছন সলনি হয় দেশত৷ এই ধাৰণাৰ পৰা বহুতেই ধাৰণা কৰিছে যে আগন্তুক বৰ্ষত অৰ্থাৎ ২০২৬ চনৰ পৰাই সম্ভৱত অষ্টম পে কমিছন আৰম্ভ হব৷
এক ৰিপৰ্ট অনুসৰি ধাৰণা কৰা হৈছে যে ১.৮৩ৰ পৰা ২.৪৬ৰ মাজত থাকিব এই ফিটমেণ্ট ফেক্টৰ৷ আৰু এই ফিটমেণ্ট ফেক্টৰ আৰম্ভ হলে চৰকাৰী কৰ্মীসকলৰ নূন্যতম দৰমহা হব ৩২ হাজাৰ ৯৪০ টকাৰ পৰা ৪৪হাজাৰ২৮০ টকা৷ ফিটমেণ্ট ফেক্টৰ ১.৮৩ ধৰিলে বৰ্তমান নূন্যতম দৰমহা ১৮০০০ টকাৰ সৈতে ১.৮৩ গুণ কৰিলে হব ৩২,৯৪০ টকা৷ আৰু সৰ্বোচ্চ ২.৪৬ ফিটমেণ্ট ফেক্টৰ ধৰিলে নূন্যতম দৰমহা হব ১৮০০০ × ২.৪৬ = ৪৪,২৮০ টকা৷
আৰু যি ব্যক্তিৰ দৰমহা ৫০ হাজাৰ টকা তেওঁলোকৰ দৰমহা ১.৮৩ ফিটমেণ্ট ফেক্টৰ ধৰিলে হব ৯১,৫০০ টকা আৰু ফিটমেণ্ট ফেক্টৰ ২.৪৬ ধৰিলে হব ১.২৩ লাখ টকা৷ এই দৰমহা কেৱলমাত্ৰ চৰকাৰী কৰ্মীসকলৰ বাবেই নহয়, বৰং ভাৰতৰ অৰ্থনীতিৰ বাবেও এক যুগান্তকাৰী পৰিবৰ্তন হব বুলি আশা কৰা হৈছে৷ কাৰণ ক্ৰমবৰ্ধমান দৰমহাৰ ফলত খৰচ, ঘৰভাড়া, স্বাস্থ্যসেৱা, অৱসৰৰ পাছত লাভ কৰিবলগা ধনৰ পৰিমানো বহুপৰিমাণে বৃদ্ধি পাব৷
এই বছৰৰ জানুৱাৰী মাহত কেন্দ্ৰীয় মন্ত্ৰী অশ্বিনী বৈষ্ণৱে এক প্ৰেছ ব্ৰিফিঙত কৈছিল যে চৰকাৰী কৰ্মচাৰীসকলে শীঘ্ৰেই অষ্টম পে কমিছন কমিটি গঠনৰ প্ৰক্ৰিয়া আৰম্ভ কৰিব৷ যাতে কেন্দ্ৰীয় চৰকাৰৰ কৰ্মচাৰীসকলে মূল দৰমহা, ভাট্টা, পেঞ্চন আৰু অন্যান্য সুবিধাসমূহ লাভ কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
