টুথপেষ্ট সলনি কৰা হয়, কিন্তু টুথব্ৰাছ এটাৰেই বহুদিন চলি থাকে। মাহৰ পিছত মাহ একেটা টুথব্ৰাছেৰে দাঁত ব্ৰাছ কৰাও বহুতৰে অভ্যাস। যেতিয়া ব্ৰাছ সম্পূৰ্ণ পুৰণি হৈ যায় তেতিয়াহে টুথব্ৰাছ সলনি কৰো। তাৰ আগতে টুথব্ৰাছ সলনি কৰাৰ কথা নাভাৱো। অৱশ্যে টুথব্ৰাছৰো মেয়াদ উকলি যোৱাৰ তাৰিখ থাকে। মাহৰ পিছত মাহ একেটা টুথব্ৰাছ ব্যৱহাৰ কৰিব নালাগে। ইয়াৰ ফলত কেৱল দাঁতৰ ক্ষতি নহয়, সামগ্ৰিক স্বাস্থ্যৰো ক্ষতি হ’ব পাৰে৷
টুথব্ৰাছ কিমান দিনৰ মূৰত সলনি কৰিব?
বিশেষজ্ঞসকলৰ মতে তিনিমাহৰ মূৰে মূৰে টুথব্ৰাছ সলনি কৰিব লাগে। প্ৰতিমাহে টুথব্ৰাছ সলনি কৰিব পাৰিলে ভাল। বৈদ্যুতিক ব্ৰাছ ব্যৱহাৰ কৰিলেও একে নিয়ম মানি চলিব লাগে। ২-৩ মাহৰ মূৰে মূৰে বৈদ্যুতিক ব্ৰাছৰ মূৰ সলনি কৰিব লাগে।
টুথব্ৰাছ সলনি কৰাৰ সময় হৈছে কেতিয়া গম পাব?
টুথব্ৰাছৰ ব্ৰিষ্টলবোৰ সোনকালে নষ্ট হয়। পোনে পোনে নাথাকে। বেঁকা হৈ পৰে। ব্যৱহাৰযোগ্য হৈ নাথাকে। এনে টুথব্ৰাছেৰে দাঁত ব্ৰাছ কৰিলে কোনো লাভ নহয়। আপোনাৰ দাঁতো ভালদৰে চাফা নহয়। দুটা দাঁতৰ মাজৰ ফাঁকত যদি কিবা খাদ্য আবদ্ধ হৈ থাকে তেন্তে সেয়া পৰিষ্কাৰ নহ’ব। ব্ৰিষ্টল নষ্ট হোৱাৰ লগে লগে টুথব্ৰাছ সলনি কৰক।
কিয় প্ৰতিমাহে টুথব্ৰাছ সলনি কৰিব?
দাঁতত অগণন বেক্টেৰিয়া থাকে। টুথব্ৰাছ সেই বেক্টেৰিয়াৰ সংস্পৰ্শলৈ আহে। ধোৱাৰ পিছতো টুথব্ৰাছত কিছুমান বেক্টেৰিয়া থাকে। লগতে টুথব্ৰাছ ধোৱাৰ পিছত কিছু সময় তিতি থাকে। সেয়ে তাত বেক্টেৰিয়াও বাঢ়ি যায়। আৰ্দ্ৰ পৰিৱেশত যদি টুথব্ৰাছ ৰাখে তেন্তে ই বেক্টেৰিয়াৰ প্ৰজনন স্থানত পৰিণত হয়। গতিকে প্ৰতিমাহে টুথব্ৰাছ সলনি নকৰিলে সেই বেক্টেৰিয়াবোৰো মুখত প্ৰৱেশ কৰিব। ইয়াৰ ফলত বিভিন্ন সমস্যাৰ সৃষ্টি হ’ব পাৰে।
টুথব্ৰাছ কেতিয়া সলনি কৰিব লাগে?
প্ৰতি এমাহৰ পৰা তিনিমাহৰ মূৰে মূৰে টুথব্ৰাছ সলনি কৰিব লাগে। লগতে চৰ্দি বা কাঁহ হ’লে সুস্থ হোৱাৰ লগে লগে টুথব্ৰাছ সলনি কৰিব লাগে। ইয়াৰ ফলত একেবোৰ বীজাণু পুনৰ আপোনাৰ শৰীৰত প্ৰৱেশ কৰিব নোৱাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
