ছচিয়েল মিডিয়াৰ এই যুগত এজন সাধাৰণ মানুহৰ পক্ষেই নিজৰ ব্যক্তিগত গোপনীয়তা বা প্ৰাইভেছি বজাই ৰখা কঠিন৷ আৰু তেওঁ যদি বলীউডৰ ছলমান খান হয় তেন্তে কথাই নাই৷ প্ৰতিমুহূৰ্ততে কেমেৰাই তেওঁক বিচাৰি ফুৰে৷ সম্প্ৰতি ছলমান খানক কেন্দ্ৰ কৰি ঘটিছে আন এক ঘটনা৷ প্ৰাইভেছিৰ লক্ষ্মণৰেখা পাৰ কৰিছে কেমেৰাই৷ কেমেৰাৰ ফ্লাছত এইবাৰ আৰু ৰাস্তাৰ ফটো নহয় ব্যক্তিগত ৰুমৰ ভিডিঅ’ সন্মুখলৈ আহিছে৷ তেওঁৰ অজ্ঞাতেই তেওঁৰ নিৰাপদ আশ্ৰয়ৰ ভিতৰত ব্যক্তিগত মুহূৰ্তৰ এক ভিডিঅ’ ৰেকৰ্ড কৰি ইণ্টাৰনেটৰ লিক কৰা হৈছে৷
ছচিয়েল মিডিয়াত ভাইৰেল হোৱাৰ মাত্ৰ কেইছেকণ্ডৰ ভিডিঅ’ত দেখা গৈছে যে ছলমান অত্যন্ত ক্লান্ত৷ ছলমানে তেওঁৰ কেইজনমান বন্ধুৰ সৈতে মিলি ডিনাৰ কৰিছে৷ ভিডিঅ’টো কোন ঠাইৰ সেয়া জানিব পৰা নগলেও এই ভিডিঅ’ যে সম্পূৰ্ণ বিনা অনুমতিত লোৱা বা অত্যন্ত গোপনে লোৱা সেয়া ধৰিব পৰা গৈছে৷ এই ভিডিঅ’ দেখা মাত্ৰকেই ছলমান অনুৰাগী ক্ষোভিত হৈ পৰিছে৷ প্ৰিয় তাৰকাৰ এই চৰম ব্যক্তিগত মুহূৰ্ত কেনেকৈ ৰেকৰ্ড কৰিলে সেই প্রশ্নও তুলিছে৷ এক্স হেণ্ডেলত ক্ষোভ উজাৰি এজনে লিখিছে, এয়া তেওঁৰ ব্যক্তিগত জীৱন, নিজৰ যি ইচ্ছা তাকেই কৰিব পাৰে, তেওঁৰ স্বাধীনতাও এতিয়া নাইকিয়া হৈছে৷
নেটিজেনৰ একাংশই এই ঘটনাৰ তীব্ৰ নিন্দা কৰি লিখিছে, ‘অনুমতি অবিহনে এনেকৈ লুকাই ঘৰৰ ভিতৰৰ ভিডিঅ’ লিক কৰাতকৈ জঘন্য আৰু বেয়া কাম কি হ’ব পাৰে৷’ হাস্পতালৰ বাহিৰত পাপাৰাজিৰ ওপৰত খং কৰা, ইনষ্টাগ্ৰামত তেওঁৰ একাউণ্ট কিছু সময়ৰ বাবে বন্ধ হোৱা আৰু তাৰপিছতেই ঘৰৰ ভিতৰৰ ভিডিঅ’ লিক আদিক কেন্দ্ৰ কৰি বহুতেই কৈছে যে ছলমানৰ ভাল দিন চলি থকা নাই৷ ভাইজানক কোনোবাই নজৰ দি আছে৷
https://www.instagram.com/reel/DYvp3uHuVVb/?utm_source=ig_web_copy_link
উল্লেখ কৰা প্ৰয়োজন যে বৰ্তমান ভাইজান ছলমানে তেওঁৰ আগন্তুক মেগা প্ৰজেক্টৰ শ্বুটিঙত ব্যস্ত৷ তেওঁ দক্ষিণৰ নামী প্ৰযোজক দিল ৰাজুৰ প্ৰযোজনাৰ এখন জনপ্ৰিয় ছবিত অভিনয় কৰিছে৷ তেওঁৰ বিপৰীতে অভিনেত্ৰীৰ ভুমিকাত আছে নয়নতৰা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
