ৰণবীৰ সিঙক কেন্দ্ৰ কৰি বিতৰ্ক চলি আছে বলীউডত৷ পৰিচালক-প্ৰযোজক Farhan Akhtar-ৰ বহু প্ৰতীক্ষিত ছবি ডন-৩ক লৈ অভিনেতাৰ সৈতে সংঘাত এনে পৰ্যায়ত গৈছে যে চলচ্চিত্ৰ কৰ্মীসকলৰ সংগঠন ‘FWICE’ (Federation of Western India Cine Employees) য়ে তেওঁৰ বিৰুদ্ধে নন-কো-অপাৰেছন নিৰ্দেশিকা জাৰি কৰিছে৷ অৰ্থাৎ সংগঠনৰ সদস্যসকলক ৰণবীৰৰ সৈতে কাম নকৰিবলৈ নিৰ্দেশ দিয়া হৈছে৷
বিতৰ্কৰ সূত্ৰপাত বহু আগতেই হৈছে৷ ২০২৩ চনত আনুষ্ঠানিকভাৱে ঘোষণা কৰা হৈছিল যে শ্বাহৰুখ খানৰ স্থানত ডন ফ্ৰেঞ্চাইজিৰ নতুন মুখ হ’ব ৰণবীৰ৷ সেই ঘোষণাৰ পাছৰে পৰাই সামাজিকমাধ্যমত আৰম্ভ হৈছিল আলোচনা৷ একাংশৰ মতে শ্বাহৰুখৰ ডনক পিছপেলোৱা সহজ নহয়৷ আকৌ বহুতৰে ধাৰণা যে নতুন প্ৰজন্মৰ বাবে চৰিত্ৰটোক অন্যধৰণে তুলি ধৰিব পাৰে ৰণবীৰে৷
তাৰপিছতে ধীৰে ধীৰে ছবিখনক লৈ একাধিক সমস্যাৰ খবৰ প্ৰকাশিত হয়৷ শুনা যায়, ছবিৰ একশ্ব্যন আৰু মাৰ্ছেল আৰ্ট প্ৰশিক্ষণৰ বাবে অতিৰিক্ত সময় বিচাৰিছিল ৰণবীৰে৷ একে সময়তে ফাৰহানো ব্যস্ত আছিল তেওঁৰ অন্য এখন ছবি ১২০ বাহাদুৰক লৈ৷ ফলত ডন-৩ৰ শ্বুটিং পিছুৱাই গৈ থাকে৷ প্ৰথমে ২০২৬ চনৰ আৰম্ভণিতে শ্বুটিং আৰম্ভ হোৱাৰ কথা থাকিলেও সেয়া সম্ভৱ হৈ নুঠিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
