ডিজিটেল যুগত ক্ৰমশ পিছুৱাই গৈছে এটিএম৷ এসময়ত টকা উঠোৱাৰ বাবে লাইন লাগি থকা ভিড় আজিকালি দেখা নাযায়৷ দেশৰ বিভিন্ন বেংকসমূহে যেনে এইবাৰ ATMৰ বিকল্পৰ চিন্তা কৰিছে৷ জনা গৈছে যে দেশৰ বিভিন্ন বেংকৰ যিমান ATM আছে সেইসমূহ ধীৰ গতিত বন্ধ কৰি দিয়া হ’ব পাৰে৷
ইয়াৰোপৰি এনে বহু এটিএম আছে যিসমূহ বহুদিন ধৰি ব্যৱহাৰ কৰা হোৱা নাই৷ তাতেই বহু দুষ্কৃতীকাৰীয়ে সুযোগ লৈছে৷ সন্ধিয়াৰ পাছতেই তাত নানান অপকৰ্ম চলে৷ ইয়াৰোপৰি এটিএম চলি নথকাৰ বাবে বহু বেংকে মিছাতেই ঘৰ ভাড়া দি থাকিব লগা হৈছে৷ ইয়াৰোপৰি বহু এটিএমত নিৰাপত্তাৰক্ষীও থাকে৷ তাতো বেংকে বহু ধন ব্যয় কৰি থাকিবলগা হৈছে৷ এই সমস্ত দিশ বিবেচনা কৰি কেইবাটাও বেংকে এটিএম কমোৱাৰ পৰিকল্পনা কৰিছে৷
এতিয়া য’তে ত’তে থকাৰ দৰে ভৱিষ্যতৰ দিনত এনেকৈ আৰু এটিএম আপুনি দেখা নাপাব৷ য’ত বেংকৰ শাখা থাকিব তাতেই এটিএমৰ থাকিব৷ ইয়াৰোপৰি জনবহুল এলেকাতহে থাকিব এটিএম৷ দেশৰ এটিএম বন্ধ কৰি দিলে বেংকৰো খৰচ বহু পৰিমানে বাচিব৷
কৰোনাকালৰ পাছৰে পৰা মানুহে ডিজিটেল পেমেণ্টৰ প্ৰতি সৰ্বাধিক আকৰ্ষিত হৈছে৷এ ই ধাৰা এতিয়া আৰু বেছি হৈছে৷ সেয়ে এটিএমক লৈ বহু সিদ্ধান্ত দ্ৰুত কাৰ্যকৰী কৰিব বিচাৰিছে কৰ্তৃপক্ষই৷ এই বিষয়ে বেংক কৰ্তৃপক্ষই জনাইছে যে দেশৰ বিভিন্ন প্ৰান্তত বহু এটিএম আছে৷ সেই এটিএম সমূহত যি হাৰত আগতে ধন উঠোৱা হৈছিল সেই হাৰত বৰ্তমান ধন উঠোৱা নহয়৷ ফলত বাঢ়ি যোৱা খৰচ কমোৱাৰ দিশত নজৰ দিছে বেংক কৰ্তৃপক্ষই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
