প্ৰধানমন্ত্ৰী কিষাণ সন্মান নিধি যোজনাৰ ২৪ সংখ্যক কিস্তিৰ বাবে দেশৰ কৃষকসকলে দীৰ্ঘদিন ধৰি অপেক্ষা কৰি আছে। কিন্তু এতিয়ালৈকে কেতিয়া কিস্তি দিয়া হ’ব সেই সন্দৰ্ভত চৰকাৰে কোনো ঘোষণা কৰা নাই। যদিও জুন মাহত প্ৰধানমন্ত্ৰী কিষাণ যোজনাৰ ২৩ সংখ্যক কিস্তিৰ ধন পৰিশোধ কৰা হৈছিল। অৰ্থাৎ অক্টোবৰ মাহত ২৪তম কিস্তিৰ ধন পৰিশোধৰ অন্তিম তাৰিখ সম্পূৰ্ণ হৈ আছে। কাৰণ, প্ৰধানমন্ত্ৰী কিষাণ সন্মান নিধি যোজনাৰ কিস্তি চৰকাৰে চাৰি মাহৰ মূৰে মূৰে আদায় দিয়ে।
প্ৰধানমন্ত্ৰী কিষাণ সন্মান নিধি যোজনাৰ অধীনত প্ৰতি চাৰি মাহৰ মূৰে মূৰে ২০০০ টকা প্ৰদান কৰা হয়। অৰ্থাৎ প্ৰতি বছৰে মুঠ ৬ হাজাৰ টকা পোনপটীয়াকৈ কৃষকৰ বেংক একাউণ্টলৈ ট্ৰেন্সফাৰ হয়। গতিকে অক্টোবৰ মাহত অহাৰ সম্ভাৱনা থকা এই কিস্তি ৰবি শস্য বীজ সিঁচা আৰু বীজ আৰু সাৰ ক্ৰয়ত ব্যস্ত কৃষকসকলৰ বাবে অতি গুৰুত্বপূৰ্ণ।
অক্টোবৰত আহিব নেকি পি এম কিষাণৰ ২৪তম কিস্তি?
কৃষকৰ একাউণ্টলৈ কেতিয়া ২০০০ টকা প্ৰেৰণ কৰা হ’ব সেই সন্দৰ্ভত এতিয়ালৈকে চৰকাৰে কোনো তথ্য দিয়া নাই। যদিও ২৪ সংখ্যক কিস্তিৰ সম্ভাৱ্য সময়সীমা অক্টোবৰ মাহতে আহি আছে। প্ৰধানমন্ত্ৰী কিষাণ যোজনাৰ ২৪ তম কিস্তি দশেৰাৰ পিছত মুকলি হ’ব পাৰে বুলি দাবী কৰিছে কেইবাটাও সংবাদ মাধ্যমে। কিন্তু এই তাৰিখ সন্দৰ্ভত আনুষ্ঠানিক ঘোষণা নোহোৱালৈকে কিস্তিৰ মুক্তিৰ তাৰিখ নিশ্চিতভাৱে কোৱা সম্ভৱ নহয়।
কি কৰা উচিত?
যদি আপুনি পি এম কিষাণ যোজনাৰ কিস্তিৰ সুবিধা লাভ কৰিব বিচাৰে আৰু আগৰ কিস্তি পোৱাত পলম হৈছে তেন্তে আগতীয়াকৈ কেইটামান কথা পৰীক্ষা কৰিব লাগে। আপোনাৰ একাউণ্টৰ ই-কেৱাইচি সম্পূৰ্ণ হৈছে নে নাই পৰীক্ষা কৰক। ইয়াৰ পিছত নিশ্চিত হওক যে আপোনাৰ বেংক একাউণ্ট সক্ৰিয় বা নহয়। তাৰ পিছত পি এম কিষাণৰ পেমেণ্টৰ অৱস্থা পৰীক্ষা কৰক।
পি এম কিষাণৰ কিস্তিৰ অৱস্থা কেনেকৈ পৰীক্ষা কৰিব?
- আপোনাৰ কিস্তিৰ অৱস্থা জানিবলৈ তলৰ পদক্ষেপসমূহ অনুসৰণ কৰক।
প্ৰধানমন্ত্ৰী কিষাণ যোজনাৰ অফিচিয়েল ৱেবছাইট pmkisan.gov.in চাওক। - ৱেবছাইটত ‘Know Your Status’ বিকল্পটো নিৰ্বাচন কৰক।
- তাত প্ৰয়োজনীয় চিনাক্তকৰণৰ তথ্য প্ৰদান কৰা।
- তাৰ পিছত আবেদন আৰু ধন স্থানান্তৰৰ তথ্য পৰীক্ষা কৰক।
- ষ্টেটাছত কিবা সমস্যা হ’লে সংশ্লিষ্ট কৃষি বিভাগৰ বিষয়াৰ লগত যোগাযোগ কৰক।
কিস্তিৰ অৱস্থা পৰীক্ষা কৰাৰ আগতে এইবোৰ কথা জানি লওক
- বহু কৃষকৰ কিস্তিৰ ধন বেংক একাউণ্ট, কৃষিভূমি বা মাটি সম্পৰ্কীয় নথি-পত্ৰৰ ভুলৰ বাবে আবদ্ধ হৈ পৰিব পাৰে।
- গতিকে আগতীয়াকৈ দুই এটা কথা পৰীক্ষা কৰাটো জৰুৰী।
- বেংক একাউণ্টত ই-কেৱাইচি আপডেট আছে নে নাই পৰীক্ষা কৰক।
- বেংক একাউণ্টটো আধাৰ কাৰ্ডৰ সৈতে লিংক আছে নে নাই সেয়া নিশ্চিত কৰক।
- ভূমি সম্পৰ্কীয় নথি-পত্ৰত কোনো ভুল বা অসম্পূৰ্ণ তথ্য আছে নে নাই পৰীক্ষা কৰক।
- পি এম কিষাণ পৰ্টেলত আপোনাৰ আবেদন আৰু পেমেণ্টৰ অৱস্থা পৰীক্ষা কৰক।
এইবোৰ আগতীয়াকৈ পৰীক্ষা কৰিলে কিস্তিৰ ধন পোৱাত অসুবিধা হ’লে কাৰণ চিনাক্ত কৰাটো সহজ হ’ব পাৰে। অৱশ্যে ২৪ কিস্তি কেতিয়া দিয়া হ’ব সেই সন্দৰ্ভত চৰকাৰী ঘোষণালৈ অপেক্ষা কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
