ছ’চিয়েল মিডিয়াৰ জগতখনত বা কোনো প্ৰেমিক-প্ৰেমিকাৰ বেছি প্ৰেম দেখুৱাব গ’লে প্ৰায়ে ‘নিব্বা (Nibba)’ বা ‘নিব্বি(Nibbi)’ বুলি কোৱা যায়। ইনষ্টাগ্ৰাম ৰীলৰ পৰা আৰম্ভ কৰি এই দুটা শব্দ সকলোতে ব্যৱহাৰ কৰা হয়। কিন্তু আপুনি কেতিয়াবা ভাবিছেনে যে এই অদ্ভুত শব্দ দুটা ক’ৰ পৰা আহিল? কেনেকৈ এই শব্দ দুটা নিশাৰ ভিতৰতে হঠাতে জনপ্ৰি হৈ পৰিল?
‘নিব্বা’ বা ‘নিব্বি’ অসমীয়া, হিন্দী বা বাংলা শব্দ নহয়, এই শব্দ দুটা অভিধানত বিচাৰিলেও নাপাব। শব্দদুটাৰ মূল উৎপত্তি আমেৰিকাৰ পপ সংস্কৃতি আৰু কৃষ্ণাংগ আমেৰিকানসকলৰ স্থানীয় ইংৰাজী শব্দ (AAVE – African-American Vernacular English)ৰ পৰা আহিছে।
আমেৰিকাত কৃষ্ণাংগ লোকে নিজৰ মাজত সদিচ্ছা প্ৰকাশ কৰিবলৈ প্ৰায়ে এটা নিৰ্দিষ্ট বৰ্ণবাদী শব্দ (এন-শব্দ) ব্যৱহাৰ কৰে, যিটো আন এজন ব্যক্তিৰ সন্মুখত উচ্চাৰণ কৰাটো গুৰুতৰ অপৰাধ বুলি গণ্য কৰা হয়।
ইণ্টাৰনেট আৰু গেমিং জগতত এই নিষিদ্ধ শব্দটো চেঞ্চৰশ্বিপৰ পৰা হাত সাৰিবলৈ আৰু ধেমালিৰ বাবে ‘নিব্বা’ৰ পৰা ‘নিব্বা’লৈ বিকৃত কৰা হৈছিল। প্ৰথম অৱস্থাত আন্তঃৰাষ্ট্ৰীয় পৰ্যায়ৰ মিম সৃষ্টিকৰ্তাসকলে এই শব্দটো কেৱল স্লেংগ বা বন্ধুত্বপূৰ্ণ কথাৰ মাজত ব্যৱহাৰ কৰিছিল।
যেতিয়া এই শব্দটোৱে আমেৰিকাৰ মিম পেজৰ পৰা ভাৰতীয় ইণ্টাৰনেট জগতখনত প্ৰৱেশ কৰিছিল, তেতিয়া ইয়াৰ অৰ্থ আৰু ব্যৱহাৰ সম্পূৰ্ণৰূপে সলনি হৈছিল। ভাৰতত কিশোৰ-কিশোৰীৰ অপৰিপক্ক প্ৰেমক ব্যংগ কৰাৰ এক শক্তিশালী আহিলা হৈ পৰিল। সহজ ভাষাত ক’বলৈ গ’লে যিসকলৰ প্ৰেমৰ গভীৰতাতকৈ সস্তীয়া আৱেগ, জনপ্ৰিয়তা আৰু অপৰিপক্ক মানসিকতা বেছি, তেওঁলোকক নেটিজেনে “নিব্বা-নিব্বি” বুলি কয়।
মনত ৰাখিব, যিসকলে বা ছ’চিয়েল মিডিয়াত অত্যধিক প্ৰেমৰ নাটকীয় ৰূপ দেখুৱাই, তেওঁলোকক আচলতে আধুনিক নেটিজেনৰ দৃষ্টিত নিব্বা-নিব্বি। ই সস্তীয়া আৰু অপৰিপক্ক প্ৰেমৰ ডিজিটেল ডিজাইনেচন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
