বাৰিষাৰ সময়ত আৰ্দ্ৰতা আৰু ঘামৰ ফলত ছালৰ ছিদ্ৰবোৰ বন্ধ হৈ পৰে। সময়মতে মুখখন পৰিষ্কাৰ নকৰিলে নিস্তেজ ৰূপ দেখা দিব পাৰে। মুখখন পৰিষ্কাৰ কৰাৰ বাবে স্ক্ৰাবিং কৰাটো অতি প্ৰয়োজনীয়। এই ঘৰুৱা উপায়সমূহৰ সৈতে আপোনাৰ বাবে কোনবোৰ স্ক্ৰাবিং বিকল্প উত্তম হ’ব পাৰে সেই বিষয়ে জানি লওক।
স্ক্রাবিংৰ উপকাৰিতা – স্ক্রাবিংক এক্সফোলিয়েচন বোলা হয়। মূলতঃ স্ক্ৰাব কৰিলে ছালৰ মৃত কোষবোৰ আঁতৰ হয়। ই ছালৰ ক্ষতি নকৰে। তদুপৰি ই অতিৰিক্ত চেবাম উৎপাদন নিয়ন্ত্ৰণ কৰে আৰু ইয়াৰ এন্টিবেক্টেৰিয়েল গুণৰ বাবেই পিম্পলৰ আৱিৰ্ভাৱ হ্ৰাস কৰে।
কফি আৰু নাৰিকল তেল – কফি আৰু নাৰিকল তেল ব্যৱহাৰ কৰি ছালখন এক্সফোলিয়েট কৰিব পাৰি। আধা চামুচ কফিৰ লগত দুচামুচ তেল মিহলাই লাহে লাহে ধুই লওক। বাৰিষাৰ সময়ত ছালখনক প্ৰাকৃতিকভাৱে আৰ্দ্ৰ কৰি তোলাৰ বাবে নাৰিকল তেল সৰ্বোত্তম।
নিম পাতৰ ৰসৰ স্ক্ৰাব – ব্ৰণ প্ৰৱণ আৰু তেলীয়া ছালৰ বাবে নিম ভিত্তিক স্ক্ৰাব আদৰ্শ। নিমৰ ৰস লৈ মৌ আৰু অলপ কফিৰ লগত মিহলাই লওক। নিমে ছালত বেক্টেৰিয়াৰ আক্ৰমণ ৰোধ কৰাত সহায় কৰে, আনহাতে মৌৱে কোমল কৰাৰ দৰে উপকাৰীতা প্ৰদান কৰে।
ওটছ আৰু দৈ – যদি আপুনি বাৰিষাত আপোনাৰ মুখখন গভীৰভাৱে পৰিষ্কাৰ কৰাৰ বাবে ঘৰতে বনোৱা স্ক্ৰাব বনাব বিচাৰিছে, তেন্তে অটছ পাউদাৰ আৰু দৈ ব্যৱহাৰ কৰক। দৈৰ লগত এচামুচ ওট পাউদাৰ মিহলাই লাহে লাহে ধুই লওক। এই পদ্ধতিয়ে কেৱল ছালৰ মৃত কোষবোৰ আঁতৰাই পেলোৱাই নহয় আপোনাৰ ছালখন মইশ্ব’ৰাইজ কৰাত সহায় কৰিব।
চাউলৰ আটা আৰু এলোভেৰা – কোৰিয়ান সৌন্দৰ্য্যৰ গোপনীয়তা চাউলৰ ঘৰুৱা ঔষধৰ উত্তম। এক চামুচ চাউলৰ আটা দুচামুচ এলোভেৰা জেলৰ লগত মিহলাই লওক। মুখত লগাই লাহে লাহে মালিচ কৰক। তেলীয়া ছাল থকাসকলৰ বাবে এই ঘৰুৱা উপায় আদৰ্শ। মিশ্ৰণটোত গোলাপৰ পানী যোগ কৰিলে ইয়াৰ সুফল দুগুণ হ’ব পাৰে।
মচুৰ দাইল আৰু গাখীৰ – যদি আপুনি স্ক্ৰাবিংৰ জৰিয়তে মুখখন গভীৰভাৱে পৰিষ্কাৰ কৰিব বিচাৰে তেন্তে মচুৰ দাইল ব্যৱহাৰ কৰিও এই ঘৰুৱা উপায়টো চেষ্টা কৰিব পাৰে। এটা বাটিত তিতা মচুৰ দাইল মোটাকৈ পিহি লওক। এই পেষ্টত গাখীৰ দিব। পেষ্টটো মুখত লগাই লাহে লাহে স্ক্রাব কৰক। এই পদ্ধতিয়ে কেৱল ছালৰ মৃত কোষ আঁতৰোৱাই নহয়, টেনিংও হ্ৰাস কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
