শিৱৰ প্ৰিয় মাহ হৈছে শাওন। ২০২৬ চনত পবিত্ৰ শাওন মাহ ১৮ জুলাইৰ পৰা আৰম্ভ হৈছে। সমগ্ৰ অসমত শাওনৰ সোমবাৰবোৰটো আড়ম্বৰপূৰ্ণভাৱে পালন কৰে। এইবাৰ শাওনৰ প্ৰথমটো সোমবাৰ ২০ জুলাই (৪ শাওন)ত পৰিছে। ইয়াৰ লগতে দ্বিতীয় সোমবাৰটো ২৭ জুলাই (১১ শাওন)ত, তৃতীয় সোমবাৰ ৩ আগষ্ট (১৮ শাওন)ত আৰু চতুৰ্থ সোমবাৰ ১০ আগষ্ট (২৫ শাওন)ত পালন কৰা হ’ব।
ধৰ্মীয় বিশ্বাস অনুসৰি এই মাহৰ সোমবাৰে ব্ৰত পালন কৰিলে বিবাহৰ বাধা আঁতৰি যায় ৷ কেৱল সেয়াই নহয়, অবিবাহিত মহিলাসকলে এগৰাকী ভাল জীৱনসংগী লাভ কৰিবলৈ সক্ষম হয় ৷ সেয়ে আজি আমি শাওন মাহত শিৱক কেনেকৈ সন্তুষ্ট কৰিব তাৰে উপায় আগবঢ়াম।
জপ কৰক
- ওম নমঃ শিৱায় হৈছে ভগৱান শিৱৰ মূল মন্ত্ৰ। ইয়াৰ অৰ্থ হৈছে “মই ভগৱান শিৱক প্ৰণাম কৰো”। ভগৱান শিৱৰ এই মন্ত্ৰ জপ কৰিলে শান্তি, সুৰক্ষা আৰু আধ্যাত্মিক সফলতা লাভ হয়।
- মহামৃত্যুঞ্জয় মন্ত্ৰ- ওম ত্ৰম্বকং যজামহে সুগন্ধি পুষ্টিৱৰ্ধনম। উৰ্ৱৰুকমিব বন্ধন মৃত্যোৰ্মুখীয় মমৃত। এই মন্ত্ৰৰ অৰ্থ হ’ল “আমি ত্ৰিনয়ন, সুগন্ধিত আৰু পালন কৰা ভগৱান শিৱক পূজা কৰো। যেনেকৈ ফল কোনো বন্ধন নোহোৱাকৈ গছৰ পৰা বিচ্ছিন্ন হয়, তেনেকৈ মৃত্যুৰ বন্ধনৰ পৰাও মুক্ত হওক, অমৰত্ব লাভ হওক।” মৃত্যুৰ পৰা ৰক্ষা পোৱাৰ বাবে আৰু দীৰ্ঘায়ু আৰু সুস্বাস্থ্যৰ বাবে মহামৃত্যুঞ্জয় মন্ত্ৰ জপ কৰা হয়।
- ওম নমোঃ ভাগৱতে ৰুদ্ৰায়, এই মন্ত্ৰৰ অৰ্থ হৈছে “মই ভগৱান ৰুদ্ৰক প্ৰণাম কৰো।” এই মন্ত্ৰৰ তাৎপৰ্য হ’ল যে ই ভগৱান শিৱৰ উগ্ৰ ৰূপৰ প্ৰতি উৎসৰ্গিত, আৰু ঋণাত্মক শক্তিৰ পৰা ৰক্ষা পাবলৈ জপ কৰা হয়।
- শিৱ গায়ত্ৰী মন্ত্ৰ- ওম তৎপুৰুষয় বিদ্মহে মহাদেৱায়ঃ ধিমাহি তন্নো ৰুদ্ৰঃ প্ৰচোদয়ত। এই মন্ত্ৰ জ্ঞান, বুদ্ধি আৰু আধ্যাত্মিক জাগৰণৰ বাবে জপ কৰা হয়।
নকৰিব
- এই মাহত তামসিক আহাৰ যেনে মাংস আৰু মাছ পৰিহাৰ কৰাটোৱেই উত্তম।
- মদ বা যিকোনো নিচাজাতীয় বস্তু সেৱন কৰাৰ পৰা আঁতৰি থাকিব।
- শাওন মাহত ঘৰৰ বা আশে-পাশে থকা সতেজ গছ-গছনি কাটিব নালাগে।
- ব্ৰত ৰাখিলে দিনৰ ভাগত শুব নালাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
