অটিজম স্পেকট্ৰাম ডিছঅৰ্ডাক হৈছে এক মানসিক ব্যাধি যি শিশুসকলৰ মাজত জন্মগতভাৱে দেখা যায়৷ তাৰ লক্ষণসমূহ ৩ বছৰ বয়সৰ আগতেই প্ৰকাশ পায়৷ ধাৰণা কৰা হয়, ই জন্মৰ বহু আগতে, গৰ্ভত থকাৰ সময়ত শিশুৰ বিকাশৰ সময় আৰম্ভ হয়৷ এটা এটা স্নায়ু-বিকাশজনিত অৱস্থা যি জিনগত পৰিবৰ্তন আৰু পৰিবেশগত কাৰণৰ ফলত ঘটে৷ সেই কাৰণসমূহে মস্তিষ্কৰ স্তৰ আৰু স্নায়ুপথৰ গঠনক প্রভাৱিত কৰে৷ বিশেষকৈ গৰ্ভাৱস্থাৰ দ্বিতীয় আৰু তৃতীয় তিনিমাহত৷ সেয়ে গৰ্ভাৱস্থাত কৰা অৱহেলাই এই আশংকা বঢ়োৱাত গুৰুত্বপূৰ্ণ ভূমিকা পালন কৰে৷
মাতৃত্বকালীন মানসিক চাপে এই আশংকা বঢ়ায়
দিল্লীৰ এখন আগশাৰীৰ নিউৰলজি বিভাগৰ চিনিয়ৰ চিকিৎসকৰ মন্তব্য অনুসৰি গৰ্ভাৱস্থাত মাতৃৰ মানসিক অৱস্থা, আৱেগিক ভাৰসাম্য আৰু জীৱনযাত্ৰাইয়ো এক গুৰুত্বপূৰ্ণ ভূমিকা পালন কৰিব পাৰে৷ সকলোতকৈ ডাঙৰ সমস্যা হৈছে ক্ৰমাগত মানসিক চাপ৷ যেতিয়া এগৰাকী নাৰীয়ে দীৰ্ঘ সময় ধৰি মানসিক চাপৰ মাজত থাকে তেতিয়া তেওঁৰ শৰীৰত চাপ সম্পৰ্কিত হৰমনৰ পৰিমাণ বাঢ়ি যায়৷ এই হৰমনসমূহে ভ্ৰুণৰ মস্তিষ্কৰ বিকাশক প্ৰভাৱিত কৰিব পাৰে৷ মাতৃৰ পাৰিপাৰ্শ্বিক পৰিবেশেও এইক্ষেত্ৰত এক ভূমিকা পালন কৰে৷ প্ৰদূষণ, কোলাহল আৰু বিষাক্ত উপাদানৰ সংস্পৰ্শলৈ আহিলে শৰীৰত প্ৰদাহ আৰু ভাৰসাম্যহীনতাই দেখা দিব পাৰে৷ যিয়ে শিশুৰ বিকাশত প্ৰভাৱ পেলাব পাৰে৷
ডায়বেটিছ আৰু ৰক্তচাপক উপেক্ষা কৰা
প্ৰসূতি আৰু স্ত্ৰীৰোগ বিশেষজ্ঞৰ মতে গৰ্ভাৱস্থা এনে এক সময় য’ত মাতৃৰ স্বাস্থ্য আৰু দৈনন্দিন ৰুটিনে শিশুৰ মস্তিষ্কৰ বিকাশত প্রভাৱ পেলায়৷ যদিও অটিজম কোনো এক নিৰ্দিষ্ট কাৰণত নহয়, গৰ্ভাৱস্থাৰ কিছু অসাৱধানতাই ইয়াৰ আশংকা বঢ়াই দিব পাৰে৷
প্ৰথমে গৰ্ভাৱস্থাত জেষ্টেচনেল ডায়বেটিছ উপেক্ষা কৰা
এয়াও এক ডাঙৰ ভুল৷ তেজত শৰ্কৰাৰ মাত্ৰা নিয়ন্ত্ৰম নকৰিলে শিশুৰ মস্তিষ্কৰ বিকাশত প্ৰভাৱ পেলাব পাৰে৷ একেদৰে গৰ্ভাৱস্থাৰ সংক্ৰমণক অৱহেলা কৰাও ক্ষতিকৰ হব পাৰে৷ শৰীৰত সংক্ৰমণ প্ৰদান বাঢ়ি গলে যি ভ্ৰুণৰ স্নায়বিক বিকাশত প্ৰভাৱ পেলাব পাৰে৷
বেছি বয়সত গৰ্ভধাৰণ
বিশেষজ্ঞই কৈছে যে বেছি বয়সত গৰ্ভধাৰণ কৰাও শিশুৰ অটিজমৰ সৈতে সম্পৰ্কিত এক কাৰণ৷ বেছি বয়সীয়া মহিলাৰ গৰ্ভধাৰণত কিছু জৈৱিক পৰিবৰ্তনৰ আশংকা থাকে৷ যিয়ে শিশুৰ বিকাশক প্রভাৱিত কৰিব পাৰে৷ ইয়াৰোপৰি স্থূসচা আৰু ভাৰসাম্যহীন খাদ্যভ্যাষো আশংকাৰ কাৰণ৷
গৰ্ভাৱস্থাত অপুষ্টি
বিশেষকৈ প্ৰয়োজনীয় ভিটামিন আৰু খনিজৰ অভাৱে, শিশুৰ মস্তিষ্কৰ বিকাশক প্ৰভাৱিত কৰিব পাৰে৷ ইয়াৰোপৰি মহিলাসকলে প্ৰায়েই সাধাৰণ ঔষধো নিৰাপদ ভাৱি গ্ৰহণ কৰে৷ কিন্তু কিছু ঔষধে ভ্ৰুণৰ বিকাশক প্রভাৱিত কৰিব পাৰে৷ সেয়ে গৰ্ভাৱস্থাত যিকোনো ঔষধ গ্ৰহণ কৰাৰ পূৰ্বে চিকিৎসকৰ পৰামৰ্শ লোৱা জৰুৰী৷
অটিজম কেৱল এইবোৰ কাৰণতেই নহয়
প্ৰায়েই জিনগত প্ৰৱণতা আৰু বাহ্যিক কাৰণসমূহৰ সংমিশ্ৰণত বিকশিত হয় এটি শিশু৷ সেয়ে কোনো এক কাৰণকে দোষাৰোপ কৰাও সঠিক নহয়৷ গৰ্ভাৱস্থাত মানসিক স্বাস্থ্য বজায় ৰখা অত্যন্ত গুৰুত্বপূৰ্ণ৷ যোগব্যায়াম, ধ্যান আদি ইতিবাচক পৰিবেশত থাকক৷ প্ৰয়োজনত কাউন্সেলিং লোৱাও উপকাৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
