আমাৰ সপোনৰ পৃথিৱীখন ৰহস্যৰে আৱৰা৷ জ্যোতিষশাস্ত্ৰত সপোনৰ নিৰ্দিষ্ট বাখ্যা আছে৷ আপুনি কি সপোন দেখিছে আৰু কেতিয়া দেখিছে তাৰ সৈতে আপোনাৰ ভৱিষ্যৎ জীৱনত কি ঘটিব সেয়া জানিব পাৰি৷ সপোনত টকা দেখাৰ অৰ্থ কি?
কয়েন বা খুচুৰা পইছাৰ সপোন
সপোনত যদি আপুনি দেখে যে আপোনাৰ চাৰিওপাশে প্ৰচুৰ কয়েন বা মুদ্ৰা আছে তেন্তে এই সপোন মুঠেও শুভ নহয়৷ জ্যোতিষবিদে জনাইছে যে কয়েনৰ সপোন দেখাৰ অৰ্থ আপোনাৰ আৰ্থিক পৰিস্থিতি বেয়া হ’বলৈ গৈছে৷ আৰ্থিক ক্ষতিৰ মুখত পৰিব পাৰে আপুনি৷ এইধৰণৰ সপোন দেখিলে কোনো দৰিদ্ৰক অৰ্থ সাহায্য কৰক আৰু কোনো মন্দিৰলৈ গৈ অৰ্থ দান কৰক৷
সপোনত টকা পোৱা
বহু সময়ত আমি সপোনত অন্যৰ পৰা টকা লোৱা দেখো৷ সপোনশাস্ত্ৰ অনুসৰি এই ধৰণৰ সপোন শুভ৷ ইয়াৰ অৰ্থ আপুনি হঠাৎ আপুনি কিছু অৰ্থলাভ কৰিব৷ এই সপোনে আপোনাৰ আৰ্থিক পৰিস্থিতিক মজবুত কৰিব৷ আৰ্থিক সংকট থাকিলে তাৰ পৰা মুক্তি পাব৷
সপোনত পুৰণি নোট দেখা
সপোনশাস্ত্ৰত কৈছে যে সপোনত পুৰণি নোট দেখা অত্যন্ত অশুভ৷ ইয়াৰ অৰ্থ খুবেই বেয়া সময় আপোনাৰ জীৱনলৈ আহিব৷ কেৰিয়াৰত কিছু সমস্যা আহিব পাৰে৷ এই সপোন দেখিলে কোনো অভাৱী মানুহক তেওঁৰ প্ৰয়োজনীয় সামগ্ৰী দান কৰক৷
ধন চুৰি হোৱা
সপোনত আপোনাৰ টকা চুৰি কৰি কোনোৱে পলাইছে৷ শুনিবলৈ বেয়া লাগিলেও এই সপোন শুভ৷ ইয়াৰ অৰ্থ প্ৰচুৰ অৰ্থ আপুনি লাভ কৰিব৷ ইয়াৰোপৰি আপোনাৰ ৰৈ থকা কাম এইবাৰ সম্পূৰ্ণ হব পাৰে৷ এনে সপোন দেখিলেও কাকো নক’ব৷ পুৱাই টোপনিৰ পৰা উঠি মন্দিৰলৈ গৈ দেৱদৰ্শন কৰি আহক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
