টোপনিৰ পৰা উঠিয়েই পুৱা একাপ চাহত চুমুক দিয়াটো প্ৰায় প্ৰতিজনৰে অভ্যাস৷ সেই চাহত আদা দিলে আৰু সোৱাদ হয়৷ সেই আদা বা নেমু দিয়া ৰঙা চাহ বা গাখীৰ চাহ পুৱাই খালী পেটত খোৱাটো স্বাস্থ্যকৰ নে? বহুতেই কয় যে গৰম ধুমায়িত একাপ চাহ নাখালে দিনটো আধৰুৱা হৈ পৰে৷ কিন্তু চিকিৎসকে কয় যে খালী পেটত চাহ খালে বহুধৰণৰ পাশ্বপ্ৰতিক্ৰিয়া হব পাৰে৷
খালী পেটত চাহ খালে কি কি সমস্যা হব পাৰে?
অম্বল-গেছ-বদহজম-পেটৰ সমস্যাত যিসকলে ভূগি আছে তেওঁলোকে খালী পেটত চাহ খালে এই সমস্যা বাঢ়ি যাব পাৰে৷ চাহ খোৱাৰ এই অভ্যাসৰ বাবেই ডিঙি বা বুকু জ্বলাপোৰাৰ সমস্যা বঢ়াই দিব পাৰে৷ চাহত বেছি পৰিমাণে টেনিন, যি নিয়ন্ত্ৰিত মাত্ৰাত শৰীৰত গলে ক্ষতি নাই৷ কিন্তু ইয়াৰ পৰিমাণ বাঢ়ি গলে সি পাকস্থলীত প্ৰদাহ তৈয়াৰ কৰিব৷ বিপাকক্ৰিয়াৰ হাৰ কমাই দিয়ে ফলত হজমত বাধা আহিব পাৰে৷
পুৱাই পুৱাই চাহৰ বিকল্প কি?
১. একাপ দৈ, আধা কাপ ওটছ আৰু এটা গোটা আপেল আৰু এটা কল মিক্সাৰত ভালকৈ পিহি লব৷ গ্লাছত ঢালি তাত মৌ মিহলাই খাব পাৰে৷ এই স্মুদিত প্ৰটিন আৰু ফাইবাৰ থকাৰ ফলত বহু সময় ধৰি পেটো ভৰ্তি হৈ থাকিব৷
২. তুলসীৰ চাহ ভাল বিকল্প৷ ঠাণ্ডাত চৰ্দি কাঁহ লাগিয়েই থাকে৷ যদি দৈনিক একাপকৈ তুলসী আৰু চাহ খাই তেতিয়া ঠাণ্ডা লগাৰ আশংকা বহুপৰিমাণে কমিব৷ এটা পাত্ৰত পানী গৰম কৰি তাত তুলসী পাত উতলাই লওক৷ তাৰপিছত মৌ আৰু নেমু মিহলাই লৈ তুলসী চাহ তৈয়াৰ কৰিব৷ নেমুত থকা ভিটামিন চিয়ে শৰীৰত ৰোগ প্ৰতিৰোধ শক্তি বঢ়াত সহায়তা কৰে৷
৩. হজমৰ সমস্যা থাকিলে পুদিনাৰ চাহ খাব পাৰে৷ পানী গৰম কৰি তাত পুদিনা পাত কাটি ১৫ মিনিট ঢাকি থওক৷ এই চাহ খালে গেছৰ সমস্যা কমিব৷ তেনেকৈয়ে ক্লান্তিও দূৰ হব৷
৪. কিছমিছ আৰু কেশৰ শৰীৰৰ বাবে উপকাৰী৷ ৬.৮ টা কিছমিছ আৰু দুটা কেশৰ গৰম পানীত নিশাটো তিঁয়াই ৰাখিব৷ পুৱাই টোপনিৰ পৰা উঠি মিশ্ৰণটো খালী পেটত পান কৰিব৷ ইয়াৰ ফলত তেজ পৰিশোধিত হ’ব৷ দেহত আয়ৰণৰ ভাৰসাম্য বৃদ্ধি পাব আৰু পেট পৰিষ্কাৰ থাকিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
