৭২ বছৰৰ পাছত শাওন মাহত দুৰ্লভ সযোগ, ৬ টা শুভ যোগো গঠন হ’ব
সনাতন ধৰ্মত শাওন মাহ অতি পবিত্ৰ বুলি গণ্য কৰা হয়। শাওন মাহত শিৱ আৰু পাৰ্বতীক ভক্তিৰে পূজা কৰা ভক্তসকলৰ সকলো কামনা পূৰণ হয় বুলি মান্যতা আছে। এইবাৰ শাওন মাহৰ প্ৰথম সোমবাৰ ২২ জুলাই তাৰিখ। অসমীয়া তাৰিখ তথা মাহ অনুসৰি ১৭ জুলাই পৰা শাওন মাহ আৰম্ভ হৈছে, পাছে হিন্দী মাহ অনুসৰি ২২ জুলাই সোমবাৰৰ পৰাই শওন মাহ আৰম্ভ হৈছে।
যাৰ বাবে হিন্দী তাৰিখ আৰু মাহ অনুসৰি এইবাৰ ৭২ বছৰৰ পাছত শাওন মাহত এক বিৰল কাকতলীয়া ঘটনা সংঘটিত হৈছে। হিন্দী শাওন মাহৰএইবাৰ আৰম্ভণি সোমবাৰ লগতে অন্তও পৰিব সোমবাৰত। মুঠ ৫ টা সোমবাৰ পৰিছে।
এনে এক বিৰল সংমিশ্ৰণৰ সৃষ্টি হৈছিল ৭২ বছৰ পূৰ্বে ১৯৫৩ চনৰ ২৭ জুলাইত, যেতিয়া সোমবাৰৰ পৰা আৰম্ভ হৈ সোমবাৰতেই শেষ হৈছিল শাওন মাহ।
শাওন মাহত এইবাৰ ৬টা শুভ যোগা সুত্ৰও গঢ় লৈ উঠিছে। এইবাৰ শাওন মাহত শুক্ৰদিত্য যোগ, বুঢ়াদিত্য যোগ, নৱপঞ্চম যোগ আৰু গজাকেশৰী যোগ গঠন হৈছে। এইবোৰৰ বাহিৰেও কুবেৰ যোগ আৰু শশ যোগো গঢ় লৈ উঠিছে, যাৰ বাবে এই মাহৰ গুৰুত্ব আৰু অধিক বৃদ্ধি পাইছে।
২২ জুলাই সোমবাৰে সৰ্বাৰ্থ সিদ্ধি যোগ । এই যোগত শাওনৰ আৰম্ভণি অতি শুভ বুলি গণ্য কৰা হয়। সৰ্বাৰ্থ সিদ্ধি যোগত শাওন সোমবাৰৰ দিনা উপবাসে থাকিলে আপুনি ভগৱান শিৱৰ বিশেষ আশীৰ্বাদ লাভ কৰিব। সৰ্বাৰ্থ সিদ্ধি যোগত ৰুদ্ৰভিষেক আৰু উপবাস কৰি ভক্তই আকাংক্ষিত ফলাফল লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
