১২ মাৰ্চত বিশ্ব কিডনি দিৱস পালিত হয়৷ কিডনিয়ে আমাৰ দেহত টক্সিন ফিল্টাৰ কৰাত আৰু তৰল ভাৰসাম্য বজায় ৰখাত গুৰুত্বপূৰ্ণ ভূমিকা পালন কৰে৷ কিডনি সমস্যাৰ প্ৰাথমিক লক্ষণসমূহ প্ৰায়েই সূক্ষ্ম হয়৷ সেয়ে ইয়াক সূক্ষ্মভাৱেই নিৰীক্ষণ কৰা খুবেই জৰুৰী৷ কিডনিত সমস্যা আৰম্ভ হৈছে নেকি কি কি লক্ষণ দেখি বুজিব?
প্ৰস্ৰাৱৰ পৰিবৰ্তন
ঘনে ঘনে প্ৰস্ৰাৱ, বিশেষকৈ নিশা, অথৱা প্ৰস্ৰাৱৰ পৰিমান কমি যোৱা কিডনি সমস্যাৰ ইংগিত হব পাৰে৷ ফেনযুক্ত প্ৰস্ৰাৱে প্ৰটিন লিকেজৰ নিৰ্দেশ কৰিব পাৰে৷ প্ৰস্ৰাৱৰ হঠাৎ পৰিবৰ্তনক গুৰুত্ব সহকাৰে লোৱা উচিত৷ কাৰণ ই প্ৰায়েই কিডনিৰ কাৰ্যকাৰিতাৰ প্ৰতিফলত ঘটায়৷
হাত আৰু ভৰি ফুলি যোৱা
কিডনিয়ে অতিৰিক্ত তৰল অপসাৰণ কৰাত ব্যৰ্থ হ’লে বিশেষকৈ গেৰুৱা, ভৰি আৰু হাতত ফোলাভাৱে দেখা যিব পাৰে৷ চকুৰ চাৰিওপাশে ফোলাভাৱো তেনেই সাধাৰণ৷ ক্ৰমাগত ফোলাভাৱেও কিডনিৰ কাৰ্যকাৰিতা হ্ৰাসৰ সৈতে যুক্ত তৰল ধৰি ৰখাৰ ইংগিত দিব পাৰে আৰু এইক্ষেত্ৰত এজন চিকিৎসকক দেখুওৱা উচিত৷
ক্লান্তি আৰু দুৰ্বলতা
কিডনিৰ কাৰ্যকাৰিতা কমি যোৱাৰ কাৰণে তেজত টক্সিন জমা হ’লে সিয়েই দীৰ্ঘস্থায়ী ক্লান্তি সৃষ্টি কৰিব পাৰে৷ লোহিত ৰক্তকণিকাৰ উৎপাদন কমি যোৱাও দুৰ্বলতাৰ কাৰণ হব পাৰে৷ বিশ্ৰাম লোৱাৰ পাছতো ক্ৰমাগত ক্লান্ত বোধ কৰাই কিডনিৰ সমস্যাৰ এক সতৰ্কতামূলক লক্ষণ হব পাৰে৷
শ্বাসকষ্ট
কিডনিৰ কৰ্মহীনতাৰ কাৰণে তৰল জমা হৈ হাওঁফাওঁলৈ যাব পাৰে৷ যাৰ ফলত শ্বাসকষ্ট হ’ব পাৰে৷ কিডনিৰ কাৰ্যকাৰিতা কমি যোৱাৰ কাৰণে ৰক্তাল্পতা, অক্সিজেন সৰবৰাহ কমাই দিব পাৰে৷ ক্লান্তি আৰু শ্বাসকষ্ট আৰু বেয়া হ’ব পাৰে৷ ক্ৰমাগত শ্বাসকষ্টৰ বাবে কিডনিৰ কাৰ্যকাৰিতা পৰীক্ষা কৰোৱাৰ প্ৰয়োজন৷
ক্ৰমাগত খজুটি
কিডনিৰ ত্ৰুটিৰ কাৰণে ৰক্তপ্ৰবাহত বৰ্জ্য জমা হ’লে ছালত খজুটি হ’ব পাৰে৷ এই খজুটি প্ৰায়েই সাধাৰণ আৰু স্থায়ী হয়৷ এলাৰ্জি বা ছাল শুকাই যোৱাৰ সৈতে ই সম্পৰ্কিত নহয়৷ দীৰ্ঘম্যাদি খজুটিয়ে প্ৰায়েই কিডনিৰ স্বাস্থ্যৰ অৱনতিৰ নিৰ্দেশ দিয়ে৷
প্ৰস্ৰাৱত ৰক্ত
গোলপীয়া, ৰঙা বা বাদামি ৰঙৰ প্ৰস্ৰাৱ কিডনিৰ ক্ষতি বা সংক্ৰমণৰ লক্ষণ হব পাৰে৷ ই মূত্ৰনলীৰ মাজত ৰক্তপাত বা গ্লোমেৰুলাৰ সমস্যাক নিৰ্দেশ কৰিব পাৰে৷ আনকি কম পৰিমানে তেজৰ উপস্থিতিও সাম্ভাব্য কিডনি সমস্যাৰেই ইংগিত৷
বমি বমি ভাৱ আৰু বমি
ৰক্তপ্ৰবাহত টক্সিন জমা হোৱাৰ ফলত বমি বমি ভাব, বমি আৰু ভোক হ্ৰাসৰ কাৰণ হব পাৰে৷ কিডনিৰ কাৰ্যকাৰিতা হ্ৰাস পোৱাৰ লগে লগে এই লক্ষণসমূহ প্ৰায়েই দেখা দিয়ে৷ অন্যান্য কাৰণ অবিহনেই গেষ্ট্ৰোইনটেষ্টাইন ট্ৰেক্টত ক্ৰমাগত অস্বস্তি হলে কিডনিৰ পৰীক্ষা কৰাওক৷
টোপনিৰ সমস্যা
কিডনিৰ সমস্যাৰ কাৰণে টক্সিন জমা হ’ব পাৰে যিয়ে টোপনিৰ মানক প্ৰভাৱিত কৰে৷ কিডনিৰ সমস্যাত ভোগা ব্যক্তিৰ ৰেষ্টলেছ লেগছ চিণ্ড্ৰোম আৰু শ্লিপ এপনিয়া বেছি দেখা যায়৷ দীৰ্ঘস্থায়ী টোপনিৰ ব্যাঘাত কিডনিৰ স্বাস্থ্যৰ অৱনতিৰ প্ৰাথমিক লক্ষণ হব পাৰে৷
উচ্চ ৰক্তচাৰ
কিডনিয়ে তৰল আৰু ছডিয়ামৰ ভাৰসাম্য নিয়ন্ত্ৰণ কৰি ৰক্তচাপ নিয়ন্ত্ৰণ কৰে৷ কিডনিৰ কাৰ্যকাৰিতা হ্ৰাস পালে উচ্চ ৰক্তচাপ হব পাৰে৷ যিয়ে কিডনিৰ আৰু ক্ষতি কৰে৷ ৰক্তচাপ ক্ৰমাগত বৃদ্ধিয়ে কিডনিৰ কৰ্মহীনতাৰ প্ৰাথমিক লক্ষণ হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
