মিউচুৱেল ফাণ্ডত বিনিয়োগ কৰি ১ কোটি টকাৰ তহবিল গঢ়ি তোলাটো বহু বিনিয়োগকাৰীৰ এক আৰ্থিক লক্ষ্য৷ চিষ্টেমেটিক ইনভেষ্টমেণ্ট প্লেনৰ মাধ্যমেৰে নিয়মিত আৰু শৃঙ্খলাপূৰ্ণ বিনিয়োগ আৰু চক্ৰবৃদ্ধি হাৰৰ শক্তিক কামত লগাই এতিয়া এই লক্ষ্যত উপনীত হোৱা সহজ হৈ পৰিছে৷
ধৰা হ’ল বছৰত ১২ শতাংশ ৰিটাৰ্ণ পোৱা যায়৷ প্ৰতিমাহত কিমান টকা বিনিয়োগ কৰিব লাগিব?
ধৰা হ’ল বছৰত ১২ শতাংশ ৰিটাৰ্ণ পোৱা যায় তেন্তে প্ৰতিমাহে কিমান টকা বিনিয়োগ কৰিব লাগিব আৰু সময়ৰ লগে লগে আপোনাৰ অৰ্থ কেনেকৈ বৃদ্ধি পায় সেয়া বিস্তাৰিতভাৱে জানি থওক৷
যদি আপুনি এছ আই পিৰ মাধ্যমেৰে ১০ বছৰত ১ কোটি টকা জমা কৰাৰ লক্ষ্য ৰাখিছে আৰু বছৰত গড়ে ১২ শতাংশ ৰিটাৰ্ণ আশা কৰে তেন্তে প্ৰতিমাহে প্ৰায় ৪৫,০০০ টকা বিনিয়োগ কৰিব লাগিব৷
বিনিয়োগৰ সময়কালঃ ১০ বছৰ অৰ্থাৎ ১২০ মাহ৷ প্ৰত্যাশিত বাৰ্ষিক ৰিটাৰ্ণঃ ১২ শতাংশ, লক্ষ্য অৰ্থৰ পৰিমাণঃ ১ কোটি টকা
এছ আই পি কেলকুলেটৰ ফৰ্মূলা ব্যৱহাৰ কৰিলে দেখা যায় প্ৰতিমাহে প্ৰায় ৪৩,০০০ টকা বিনিয়োগ কৰিব লাগিব৷ এইক্ষেত্ৰত আপোনাৰ মুঠ বিনিয়োগ হ’ব প্ৰায়৫৪,০০,০০০ টকা৷ ১০ বছৰত সেয়া বাঢ়ি প্ৰায় ১,০০,৮১,৬১৫ টকা৷ অৰ্থাৎ এই সময়ত আপুনি প্ৰায় ৪৬, ৮১, ৬১৫ টকা লাভ কৰিব পাৰে৷
চক্ৰবৃদ্ধি হাৰৰ শক্তি- এছ আই পি ইমানেই শক্তিশালী হোৱাৰ মূল কাৰণ হৈছে চক্ৰবৃদ্ধিৰ ধাৰণা৷ সহজভাৱে ক’লে প্ৰতিমাহত আপোনাৰ বিনিয়োগৰ পৰা যি ৰিটাৰ্ণ আহে সেয়া পুনৰায় বিনিয়োগ কৰা হয়৷ ফলত সময়ৰ লগে লগে আপোনাৰ সম্পদ দ্ৰুতগতিত বাঢ়ি থাকে৷ আপুনি যিমান সোনকালে বিনিয়োগ আৰম্ভ কৰিব সিমানেই বেছি ইয়াৰ সুবিধা পাব৷ ইয়েই স্পষ্ট কৰে যে পূৰ্বে আৰম্ভ কৰাৰ গুৰুত্ব কিমান বেছি৷ কাৰণ সময় যিমানেই বেছি থাকিব একেই লক্ষ্য পূৰণ কৰিবলৈ প্ৰতিমাহে সিমানেই কম বিনিয়োগ কৰিলেই হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
