কণী নোহোৱাকৈ অমলেট খাই পাইছেনে কেতিয়াবা, কেনেকৈ প্ৰস্তুত কৰিব এই খাদ্য
আপুনি নিশ্চয় প্ৰায়ে শুনিছে যে অমলেট কণীৰে তৈয়াৰ কৰা হয়, কিন্তু আপুনি কেতিয়াবা শুনিছেনে যে কণী অবিহনেও অমলেট বনাব পাৰি? ভাবিলে আচৰিত যেন লাগিলেও সঁচাকৈ কণী নোহোৱাকৈ অমলেট তৈয়াৰ কৰিব পাৰি। কোনো নিৰামিষভোজীয়ে ভাবিছে যে অমলেটৰ সোৱাদ কেনেকুৱা হ’ব পাৰে, তেন্তে তেওঁ এই কণীবিহীন অমলেটটো চেষ্টা কৰিব পাৰে।
ব্ৰেকফাষ্ট বা সন্ধিয়াৰ জলপানত কণীবিহীন অমলেট বনাই ইয়াৰ সোৱাদ লব পাৰে। আনকি যিসকল লোকৰ কণীৰ অমলেট খোৱাৰ অভ্যাস আছে কিন্তু কোনো বিশেষ দিন বা উৎসৱৰ বাবে খাব পৰা নাই তেওঁলোকৰ বাবেও কণীবিহীন অমলেট খাব পাৰে।
মাত্ৰ ১৫ মিনিটতে কণী নোহোৱাকৈ প্ৰস্তুত কৰিব পাৰি এই খাদ্য। প্ৰস্তুত কৰিবলৈ ১০ মিনিট আৰু ৰান্ধিবলৈ মাত্ৰ ৫ মিনিট সময় লাগিব।
বনাবলৈ কি কি সামগ্ৰীৰ প্ৰয়োজন-
এক কাপ বেচন
এটা বিলাহী, মিহিকৈ কাটি লোৱা
এটা পিঁয়াজ, মিহিকৈ কাটি লোৱা
কেঁচা জলকীয়া
ধনীয়া পাত
১ চামুচ হালধী
১/৪ চামুচ তেল
প্ৰয়োজন অনুসাৰে জালুক গুৰি
সোৱাদ অনুসৰি নিমখ
সকলো কটা পাচলি আৰু হেচন মিহলাই লওক।
একেলগে নিমখ আৰু মছলা খিনিও দি লৈ অলপ পানী দি সকলো একেলগে মিক্স কৰি লওক।
দ্ৰৱটো তৈয়াৰ হ’লে গেছৰ ওপৰত ননষ্টিক কেৰাহী বা তাৱা ৰাখিব।
কেৰাহীখন কম জুইত গৰম কৰি তাত অলপ তেল দি চাৰিওফালে বহলাই দিব।
এতিয়া প্ৰস্তুত কৰা বেচনৰ দ্ৰৱটো কেৰাহীত দিব।
দুয়োফালৰ পৰা সিজাই লওক আৰু তাৰ পিছত এইদৰে কণীবিহীন অমলেট কেইমিনিটমানৰ ভিতৰতে সাজু হৈ উঠিব।
বনাবলৈ যিমান সহজ, সোৱাদতো সমানেই সুস্বাদু। যদি আপুনি কণীৰ অমলেট খাইছে, তেন্তে ইয়াৰ সোৱাদ কণীৰ পৰা তৈয়াৰী অমলেটৰ দৰে পাব।
এতিয় চাটনি বা চচৰ সৈতে ইয়াক উপভোগ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
