উত্তৰপ্ৰদেশৰ মহাৰাজগঞ্জ জিলাৰ বিজেপিৰ এক অনুষ্ঠানত হঠাৎ চাঞ্চল্যকৰ পৰিস্থিতিৰ সৃষ্টি হৈছে৷ বুধবাৰে এক সম্বৰ্ধনা অনুষ্ঠানৰ মাজতেই এগৰাকী মহিলাই অফিচত সোমাই দলৰ এজন নেতাৰ বিৰুদ্ধে আৰ্থিক প্ৰতাৰণাৰ অভিযোগ তুলি সকলোৰে সন্মুখত তেওঁক চৰ মাৰে৷ ঘটনা মুহূৰ্তৰ ভিতৰতে ভাইৰেল হৈ পৰিছে সামাজিত মাধ্যমত৷
জনা গৈছে যে সেইদিনা বিজেপিৰ কাৰ্যালয়ত মনোনীত কাউন্সিল আৰু দলীয় পদাধিকাৰীসকলৰ সম্বৰ্ধনা জনোৱাৰ আয়োজন কৰা হৈছিল৷ অনুষ্ঠান আৰম্ভ হোৱাৰ লগে লগেই সেই মহিলাগৰাকী ষ্টেজত উঠি সংশ্লিষ্ট নেতাৰ সৈতে কাজিয়াত লিপ্ত হৈ পৰে৷ প্ৰত্যক্ষদৰ্শীসকলৰ মতে হঠাৎ তেওঁ নেতাগৰাকীক চৰ মাৰে আৰু কলাৰত ধৰি টানি বাহিৰ কৰাৰো চেষ্টা কৰে৷ ইয়াৰ ফলত সভাস্থলত উপস্থিতসকলৰ মাজত আতংক বিয়পি পৰে৷
মহিলাৰ অভিযোগ, এল আই চি ডিপোজিটৰ নামত তেওঁ প্ৰায় ৪.৫ লাখ টকা সেই নেতাৰ হাতত তুলি দিছিল৷ কিন্তু সেই টকা জমা নকৰি আত্মসাৎ কৰা হয় বুলি দাবী মহিলাৰ৷ দীৰ্ঘদিন ধৰি টকা বিচাৰি আহিছিল মহিলাগৰাকী৷ কিন্তু প্ৰতিবাৰেই প্ৰত্যাখান কৰে৷ কাৰ্যালয়লৈকো হৈছিল তেওঁ৷
https://x.com/thenewsdrill/status/2034519450234617904?s=20
শেষত মহিলাই বিজেপিৰ মিটিঙত সোমাই নেতাগৰাকীক কলাৰত ধৰি টানি আনে৷ ফলত পৰিস্থিতি দ্ৰুত উত্তপ্ত হৈ উঠে৷ হতাহতিৰ ওপৰিও মহিলাই চেণ্ডেলেৰেও কোবোৱাৰ অভিযোগ আহিছে৷ উপস্থিত দলীয় কৰ্মীয়ে পৰিস্থিতি নিয়ন্ত্ৰণ কৰাই৷ লগে লগে সেই স্থানত উপস্থিত হয় আৰক্ষীৰ দল৷ এই ঘটনাৰ বাবে প্ৰায় এঘণ্টা বন্ধ হৈ পৰে যোগদান অনুষ্ঠান৷
এই ঘটনাৰ পাছতেই দলৰ পক্ষৰ পৰা জনোৱা হৈছে যে এয়া মূলত আৰ্থিক লেনদেন সংক্ৰান্তিয় ব্যক্তিগত বিবাদ৷ প্ৰাক্তন জিলা সভাপতি সমীৰ ত্ৰিপাঠীয়ে ঘটনা সন্দৰ্ভত কয় যে দুই পক্ষই বিজেপি দলৰ সৈতে জড়িত৷ গতিকে দুয়োকে আহ্বান জনাম যে দুয়োৱে এই সমস্যা নিজৰ মাজতেই সমাধান কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
