অসম লাইভ২৪ঃ সম্প্ৰতি টুইটাৰ প্ৰফাইলৰ ব্লু টিকক লৈ প্ৰায় প্ৰতিদিনেই চলিছে চৰ্চা। কিন্তু ব্লু টিক কেৱল টুইটাৰতেই থাকে এনে নহয়। ব্লু টিক থাকে ফেচবুকতো। কিন্তু ফেছবুকত থকা ব্লু টিকটো পোৱা ইমান সহজনে? বিশ্বৰ আটাইতকৈ জনপ্ৰিয় সামাজিক মাধ্যমেই হৈছে ফেছবুক। এই প্লেটফৰ্মৰ প্ৰফাইল ভেৰিফিকেছন সম্পূৰ্ণ হ’লেহে ব্লু টিক পোৱা যায়। নিজৰ ফেচবুক প্ৰফাইলত ব্লু টিক পাবলৈ হ’লে প্ৰফাইল ভেৰিফিকেছন কৰিব লাগিব। কেনেকৈ নিজা প্ৰফাইল ভেৰিফিকেছন কৰাব? এইকেইটা সহজ উপায় আপুনিও ব্যৱহাৰ কৰিব পাৰে।
আবেদন কৰাটো জৰুৰী!
প্ৰফাইল অথবা পেজ ভেৰিফিকেছনৰ বাবে ফেছবুকত পোনতে আবেদন জনাব লাগে। ইয়াৰ বাবে কিছু নিয়ম থাকে। প্ৰথমেই নিজৰ প্ৰফাইলটোত সকলো শুদ্ধ তথ্য দিব লাগিব। ফেছবুক চাৰ্ছ এনবেল কৰি ৰাখিব লাগিব। একাউণ্টৰ সৈতে কোনো পেজৰ লিংক থাকিলে সেই পেজ কোনো এক ব্ৰেণ্ডৰ হ’ব লাগিব।
ভেৰিফিকেছনৰ বাবে আবেদনৰ আগে আগে কি কৰিব?
প্ৰফাইলত কভাৰ ফটো এড কৰিব
প্ৰফাইল ফটো ৰাখক
ফেচবুকৰ নিয়ম মানি প্ৰফাইল চেট কৰক
প্ৰফাইলত ‘Follow’ কৰিব পৰা উপায় ৰাখক
ফেচবুকত ব্লু টিক কেনেকৈ পাব?
ফেচবুক প্ৰফাইল অপেন কৰি প্ৰথমে ভেৰিফিকেছনৰ আবেদনৰ এখন ফৰ্ম ফিলাপ কৰি চাবমিট কৰিব লাগিব। তাত নিজৰ সকলো ডাটা সন্নিবিষ্ট কৰিব লাগিব। তাত পেজ নে প্ৰফাইল ভেৰিফাইড কৰাব সেই সম্পৰ্কেও উল্লেখ কৰিব লাগিব। তাৰ পিছত ওলাই থকা কোনো এটা ডকুমেণ্ট চিলেক্ট কৰিব লাগিব। তাৰপাছতে choose files ছিলেক্ট কৰি নিৰ্দিষ্ট ডকুমেণ্ট আপলোড কৰিব লাগিব। কোন বিভাগৰ অধীনত এই প্ৰফাইল অথবা পেজ ভেৰিফাই কৰাব বিচাৰিছে সেই কথাও ছিলেক্ট কৰি চাবমিট কৰিব লাগিব।
ইয়াৰ পৰবৰ্তী পৰ্যায়ত নিজৰ দেশৰ নাম ছিলেক্ট কৰিব লাগে। ভেৰিফাই কৰিবলৈ ব্যক্তিগৰাকীৰ বিষয়ে সংবাদ মাধ্যমত প্ৰকাশ হোৱা সাম্প্ৰতিক সময়ৰ ৫ টা প্ৰতিবেদনৰ লিংক পঠিয়াব লাগিব।
উল্লেখ্য যে এইকেইটা সহজ উপায় অৱলম্বন কৰিয়েই ফেচবুকত সহজেই ব্লু টিক লাভ কৰিব পাৰে। ভেৰিফাই কৰাৰ কেইদিনমান পাছতেই ফেচবুকে নিজাববীয়াকৈ মেছেজ কৰি এই প্ৰফাইলৰ ব্যক্তিগৰাকীক ব্লু টিক দিয়াৰ সকলো পৰ্যায় সম্পূৰ্ণ কৰাৰ বাবে ধন্যবাদ জ্ঞাপন কৰি প্ৰফাইলত ব্লু টিকো লগাই দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
