কন্যাদান কৰাৰ কথা আছিল, কন্যাই ওলোটাই মুখাগ্নি কৰিলে, কন্যাৰ বিয়াৰ দিনাই পিতৃৰ বিয়োগ
চকু পানী টুকিছে সমগ্ৰ গাওঁৱাসীয়ে। বিয়াৰ ৰভাত এতিয়া অনুষ্ঠিত কৰিব লাগিব পিতৃৰ দহা-শ্ৰাদ্ধ। কন্যাৰ বিয়াৰ দিনাই বিয়োগ পিতৃৰ। যি পিতৃয়ে কন্যাৰ কন্যাদান কৰাৰ কথা আছিল, সেই কন্যাই কৰিলে পিতৃৰ মুখাগ্নি।
দৃশ্য দেখি চকুৰ পানী টুকিছে সকলোৱে। এই অতিকে কৰুণ ঘটনা সংঘটিত হৈছে ডিব্ৰুগড়ৰ চাবুৱাত। কন্যাৰ বিবাহৰ দিনটোতেই মৃত্যুক সাৱটিলে পিতৃয়ে।
হাতত মেহেন্দীৰ লগাই হোমৰ গুৰিৰ সলনি কন্যা গ’ল পিতৃৰ শেষ কৃত্য কৰিবলৈ। চাবুৱাৰ মৰিছা গাঁৱত সংঘটিত হৈছে এই মৰ্মান্তিক ঘটনা।
তপন দাস নামৰ বিজেপিৰ জ্যেষ্ঠ কৰ্মকৰ্তা জনৰ কন্যাৰ বিবাহ আছিল। বিবাহৰ বাবে চোতাল আগুৰি ৰভাও দিছিল। সেই নিয়তিয়ে ভাগ্যত লিখি থৈছিল অন্যহে।
হৃদযন্ত্ৰৰ ক্ৰিয়া বন্ধ হৈ অকাল মৃত্যুক সাৱটি লয় তপন দাস নামৰ লোকগৰাকীয়ে। তপন দাসৰ অনাকাংক্ষিত মৃত্যুত এতিয়া ঘৰখনৰ লগতে সমগ্ৰ চাবুৱা অঞ্চল শোকস্তব্ধ হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
