টাইটানিকৰ কথা আমি প্ৰায় সকলোৱেই জানো৷ প্ৰকৃততে এয়া এক সলিলসমাধিৰ গল্প৷ সেই দুৰ্ভাগ্যজনক ঘটনাটো ঘটিছিল আটলাণ্টিক মহাসাগৰত৷ তেনেকৈ আন এক দুৰ্ঘটনাও ঘটিছে এই মহাসাগৰতেই৷ টাইটানিকৰ দৰেই সাগৰতলিত ডুব গৈছিল আন এখন জাহাজ৷ কিন্তু পাৰ্থক্য এটাই যে এই জাহাজ যাত্ৰীবাহী জাহাজ নহয়৷ এই জাহাজ পণ্য পৰিবহনকাৰী জাহাজহে আছিল৷ যাক পোছাকি ভাষাত কোৱা হয় কাৰ্গো৷ এই জাহাজে অৱশ্যে কোনো বৰফৰ টুকুৰাত ধাক্কা মৰা নাছিল৷ এই জাহাজ ডুবি গৈছিল জুই লগাৰ ফলত৷
১৬ ফেব্ৰুৱাৰী ২০২২ তাৰিখে আটলাণ্টিক মহাসাগৰ পাৰ হোৱাৰ সময়ত ফেলিচিটি এছ দুৰ্ঘটনাৰ কবলত পৰে৷ জাহাজখন জাৰ্মানিৰ এমডেনৰ পৰা আমেৰিকাৰ ডেভিছভিলৰ উদ্দেশ্যে বিলাসবহুল বাহন লৈ ৰাওনা হৈছিল৷ কিন্তু হঠাৎ জুই লগাৰ ফলত সকলোবোৰেই ওলট পালট হৈ পৰে৷ অনুমান কৰা হয় যে এয়া কোনো বৈদ্যুতিক বাহনৰ বেটেৰিৰ পৰাই এই জুইৰ সূত্ৰপাত৷ কিন্তু সত্যতা নিশ্চিত কৰা সম্ভৱপৰ হৈ নুঠিল৷ জাহাজখনে প্ৰায় এসপ্তাহ ধৰি আটলাণ্টিক মহাসাগৰত ভাঁহি আছিল৷
জাহাজৰ ভিতৰত বিভিন্ন দেশত অপেক্ষা কৰি থকা গ্ৰাহকৰ প্ৰায় ৪০০০ অত্যন্ত পাৰ্ছোনেলাইজড যানবাহন আছিল৷ এই আৰ্থিক ক্ষতিৰ পৰিমাণ আছিল ৩৩৫ ৰ পৰা ৪০০ মিলিয়ন ডলাৰ অৰ্থাৎ ভাৰতীয় মুদ্ৰাত এই ক্ষতি আছিল ২৯৬২-৩৫৩৭ কোটি টকা৷ ফেলিছিটি এছ ভক্সৱাগেন গ্ৰুপৰ অধীনত কেইবাখনো দামী ব্ৰেণ্ডৰ বাহনো আছিল এই ডুব যোৱা জাহাজত৷ এই বাহনসমূহৰ মাজত আছিল পোৰ্ছে, অডি, বেণ্টলি, লেম্বৰগিনি আৰু ভক্সৱাগন৷ এই বাহনসমূহৰ সকলো নতুন, বিশ্বজুৰি ক্ৰেতাসকলৰ দ্বাৰা বিশেষভাৱে অনুৰোধ কৰা বহু অত্যাধুনিক ফিচাৰ সমৃদ্ধ বাহন আছিল৷
এই বিশেষ বাহন কঢ়িওৱা জাহাজত জুই লগাৰ খবৰ পোৱাৰ সময়ত জাহাজখনত ঠিক ৩৯৬৫খন বাহন আছিল৷ ইয়াৰ মাজত আছিল ১৯৪৪ টা অডি বাহন, আৰু ১১১৭ খন পোৰ্ছে বাহন৷ জাহাজখনত ১৮৯ খন বেণ্টলি বাহন আৰু ৮৫খন লেম্বৰগিনি বাহনো আছিল৷ টপ গিয়েৰৰ এক প্ৰতিবেদনত ডুব যোৱা দুৰ্ভাগ্যজনক বাহনসমূহৰ মডেলসমূহৰ বিষয়েও উল্লেখ কৰা হৈছিল৷ ভক্সৱেগন বাহনৰ মাজত পাঁচখন ID.4 ইউনিট আছিল৷ যি পৰীক্ষামূলক বাহন হিচাপে চিহ্নিক আছিল আৰু তাৰে এখন টাইগো, যি পৰীক্ষাৰ বাবে লেবেলযুক্ত আছিল, এনে মডেল মাৰ্কিন যুক্তৰাষ্ট্ৰত বিক্ৰি নহয়৷
জাহাজখনত ৮৩খন ভক্সৱেগন গল্ফো আছিল, কোনো বাহনেই কিন্তু ভাঙিচিগি যোৱা নাই৷ জাহাজৰ সৈতে ডুবি যোৱাৰ বাহনৰ ভিতৰত পোৰ্ছে কাৰখানা নিৰ্ধাৰিত ইউনিটসমূহৰ এক বিস্তাৰিত তালিকাও পোৱা গৈছে৷ ব্ৰতিশ্লাভাৰ ১২৬ খন বাহন আছিল৷ যি সম্ভৱত ব্ৰতিশ্লাভা কাৰখানাত নিৰ্মিত কেয়েন মডেল৷ জাহাজখনত ২৩ খন জুফেনহাউছেনৰ ৮৫টা ইউনিটো বহন কৰা হৈছিল৷ যি ৭১৮, ৯১১ আৰু টাইকান লাইনৰ মাজত পৰে৷
জাহাজখনত বেণ্টলিৰ কেইবাখনো বাহন আছিল৷ তালিকাত তিনিখন বেণ্টলি কণ্টিনেণ্টেল ফ্লাইং স্পাৰ্ছ, ছয়খন বেণ্টলি কণ্টিনেণ্টেল জিটি আৰু ১২ খন বেণ্টলি কণ্টিনেণ্টেল জিটিছি আছিল৷ ইয়াৰোপৰি ১২খন বেণ্টলি বেণ্টেগাছো আছিল৷ নতুন বিলাসবহুল বাহনৰ ওপৰিও কেইবাখনো পুৰণি বাহনো এই জাহাজত আছিল৷ ইয়াৰ মাজত আছিল ২০১৫ চনৰ পোৰ্ছ কেয়েন, এখন ২০১৫ চনৰ ফৰ্ড মুস্তাং, এখন ২০১৪ চনৰ কিয়া ছোল আৰু এখন ২০১৮ চনৰ নিছান ভাৰ্ছা নোট৷ আটাইবোৰ বাহনসহিতে আটলাণ্টিকৰ তলদেশত প্ৰায় ৩৫০০ মিটাৰ গভীৰত এতিয়াও ডুব গৈ আছে এই জাহাজ৷ এই বাহনসমূহ সমগ্ৰ বিশ্বৰ ৰাস্তাত চলাৰ বাবে তৈয়াৰ কৰা হৈছিল৷ কিন্তু এতিয়া সমুদ্ৰৰ তলদেশত পৰি নিয়তিৰ পৰিহাসৰ কথা মনত পেলাই আছে এই জাহাজত থকা বাহনসমূহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
