শোকাৱহ, কাপোৰৰ দোকানত ভয়ংকৰ অগ্নিকাণ্ড, শুই থকা অৱস্থাতে ৭ লোক নিহত
এখন কাপোৰৰ দোকানত সংঘটিত হোৱা ভয়ংকৰ অগ্নিকাণ্ডৰ ফলত ৭ জনকৈ লোকৰ কৰুণ মৃত্যু। যাৰ ভিতৰত আছে দুটি কনমানি শিশুও।
মহাৰাষ্ট্ৰৰ ঔৰংগাবাদত সংঘটিত হৈছে এই ঘটনা। যি ঘটনাত ২ গৰাকী পুৰুষ, ৩ গৰাকী মহিলা আৰু দুটি শিশুৱে প্ৰাণ হেৰুৱাই।
পুৱতি নিশা সংঘটিত হোৱা এই দুৰ্ঘটনাটোৰ সন্দৰ্ভত জানিব পৰা অনুসৰি দুই মহলীয়া ঘৰটোৰ তলৰ মহলাত সংঘটিত হৈছিল অগ্নিকাণ্ড। সেই ঘৰটোৰে ওপৰ মহলাত আছিল লোক কেইগৰাকী। জুইৰ লেলিহান শিখাই ঘৰটোৰ তলৰ মহলা চাৰিওফালৰ পৰা আগুৰি ধৰে।
যদিও ঘৰটোৰ ওপৰ মহলালৈ জুই বিয়পি পৰা নাছিল, তথাপি ধোঁৱাৰ বাবেই ওপৰ মহলাত শুই থকা লোক কেইজনে অক্সিজেনৰ অভাৱত প্ৰাণ হেৰুৱাই।
পাছত আৰক্ষী আৰু অগ্নিনিৰ্বাপক বাহিনী ঘটনাস্থলীত উপস্থিত হৈ মৃতদেহ কেইটা উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। লগতে আৰক্ষীয়ে কৰা তদন্তত এই অগ্নিকাণ্ডৰ শ্বৰ্ট-চাৰ্কিটৰ ফলতে হোৱা বুলি ব্যক্ত কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
