অতিকে ভয়ংকৰ ঘটনা, অগ্নিশিখা লৈ শোভাযাত্ৰা কৰি থাকোতেই অঘটন ঘটি ৫০ৰো অধিক আহত, সংকটজনক কেইবাজনো
বৃহস্পতিবাৰে নিশা মধ্যপ্ৰদেশৰ খাণ্ডৱাৰ ঘন্টাঘৰ চকত অগ্নিশিখা লৈ শোভাযাত্ৰা কৰি থকাৰ সময়তে এক বৃহৎ দুৰ্ঘটনা সংঘটিত হয় ৷ অগ্নিশিখাৰ পৰা তেল ছিটিকি পৰাৰ ফলত ভয়ংকৰ অগ্নিকাণ্ড সংঘটিত হয়।
এই দুৰ্ঘটনাত ৫০ জনতকৈ অধিক লোক অগ্নিদ্বগ্ধ, ইয়াৰে ১২ জন লোকৰ অৱস্থা সংকটজনক বুলি জানিব পৰা গৈছে। বৰ্তমান আহতসকলক চিকিৎসাৰ বাবে জিলা চিকিৎসালয়ত ভৰ্তি কৰোৱৈ হৈছে।
সামাজিক মাধ্যমত সেই ভয়ংকৰ দুৰ্ঘটনাৰ ভিডিঅ’ ভাইৰেল হৈ পৰিছে। এই অগ্নিকাণ্ডৰ ফলত হুলস্থুলীয়া পৰিৱেশৰ সৃষ্টি হয়। ভিডিঅ’টোত দেখা গৈছে যে অগ্নিকাণ্ডৰ ফলত মানুহে যিফালে পাৰিছে কেৱল দৌৰিছে, এক হাহাকাৰময় পৰিস্থিতি হয় ঘটনাস্থলীত।
https://x.com/NDTVMPCG/status/1862309515280175607
এই ঘটনাত আহত লোকসকলক জিলা চিকিৎসালয়লৈ নিয়া হয়। তথ্য পোৱাৰ লগে লগে আৰক্ষী আৰু প্ৰশাসনৰ বিষয়াই জিলা চিকিৎসালয়ত উপস্থিত হয়।
খাণ্ডৱাৰ আৰক্ষী অধীক্ষক মনোজ ৰায়ে কয় যে নিশাৰ সময়ত খাণ্ডাৱাৰ জিলাত এক শ্ৰদ্ধাঞ্জলি অনুষ্ঠান আছিল। সকোল ঠিকমতেই সমাপন হোৱাৰ দিশে আগবাঢ়িছিল। কিন্তু কাৰ্যসূচী শেষ হোৱাৰ সময়তে অগ্নিশিখা স্থাপন কৰাৰ সময়তে তাৰ পৰা কিছু তেল চিটিকি পৰে। যাৰ ফলত অন্য সকলৰ গালৈ লেলিহান জুইয়ে আগুৰি ধৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
