২০২৪ চনৰ শীৰ্ষ কৰ দাতাৰ তালিকা প্ৰকাশ, ৯২ কোটি টকা কৰ দানেৰে তালিকাৰ শীৰ্ষত কোন
২০২৪ চনৰ অন্ত হবলৈ মাজত আৰু মাথো এটা মাহ বাকি। কেৱল ডিচেম্বৰ মাহটো পাৰ হোৱাৰ লগে লগে আৰম্ভ হব নতুন বছৰ ২০২৫। পাছে এই ২০২৪ বৰ্ষত ভাৰতৰ সবাতোকৈ অধকি কৰ দাতা কোন। সেই সন্দৰ্ভত প্ৰকাশ পাইছে তালিকা।
এই তালিকাৰ শীৰ্ষত এগৰাকী কিং। যিয়ে ২০২৩-২০৪ বিত্তীয় বৰ্ষত ভাৰতৰ ভিতৰতে সৰ্বাধিক ৯২ কোটি টকাৰ কৰ দিয়ে। হয় ঠিকেই ধৰিছে, সেই লোকগৰাকী হৈছে বলীউডৰ কিং খান খ্যাত শ্বাহৰুখ খান। যিয়ে দেশৰ ভিতৰতে সকলোতকৈ অধিক কৰ দিছে। ২০২৩ চনত তাৰকা গৰাকীৰ কেইবাখনো হিট ছবি মুক্তি পাইছিল। কিন্তু ২০২৪ চনত এখনো ছবি মুক্তি নাপায় অভিনেতাগৰাকীৰ। তথাপি সৰ্বাধিক সংখ্যক কৰ দি ৰেকৰ্ড গঢ়ে।
আনহাতে এই তালিকাৰ দ্বিতীয়ত স্থান বুলি কবলৈ গলে এই স্থানতো আছে এগৰাকী অভিনেতা। পাছে ভুল নকৰিব এই স্থানত থকা কোনো ছলমান বা অমিতাভ নহয় তেখেত হৈছে দক্ষিণৰ ছুপাৰষ্টাৰ বিজয় থলপতি। বিজয়ে ২০২৩-২৪ বিত্তীয় বৰ্ষত ৮০ কোটি টকা কৰ দিছে।
তৃতীয়ত আছে বলীউড ভাইজান ছলমান খান। যিয়ে ৭৫ কোটি টকা কৰ দিয়ে। চতুৰ্থত বিগ বি অমিতাভ বচ্চন। তেখেতে ৭১ কোটি টকাৰ কৰ দিছে।
পঞ্চমত ভাৰতীয় ক্ৰিকে দলৰ সুদক্ষ খেলুৱৈ, বিৰাট কোহলী। বিৰাটে ৬৬ কোটি টকাৰ কৰ দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
