পুনৰ ৰে’ল দুৰ্ঘটনা, দপদপাই জ্বলি উঠিল ৪ টাকৈ ডবা…
আজি ৪ আগষ্ট দেওবাৰে পুৱা অন্ধ্ৰপ্ৰদেশৰ বিশাখাপট্টনমত এক ডাঙৰ ৰে’ল দুৰ্ঘটনা সংঘটিত হয়। কোৰ্বাৰ পৰা অহা কোৰ্বা-বিশাখাপত্তনম এক্সপ্ৰেছৰ চাৰিটা এচি ডবাত জুই লাগে। জুই ইমানেই বিধ্বংসী আছিল যে মুহূৰ্তৰ ভিতৰতে ৰে’লখনৰ চাৰিটা ডবা গ্ৰাহ কৰিবলৈ আৰম্ভ কৰে।
ঘটনা সন্দৰ্ভত তথ্য লাভ কৰাৰ লগে লগে ৰে’লৱে বিভাগৰ লোক, ৰে’লৱে আৰক্ষী আৰু উদ্ধাৰকাৰী দল ষ্টেচনটোত উপস্থিত হয়। ভয়াতংক সকলো যাত্ৰীক কোনোমতে সেই অগ্নিকাণ্ড সংঘটিত হোৱা ৰে’লখনৰৰ পৰা বাহিৰলৈ উলিয়াই আনে। ঘটনাটোত কোনো লোক হতাহত হোৱাৰ খবৰ পোৱা হোৱা নাই। কিন্তু চাৰিওটা ডবাৰ যাত্ৰীসকলৰ সকলো সামগ্ৰী ভস্মীভূত হৈছে।
ৰে’লখনত থকা যাত্ৰীসকলৰ মতে, ৰেলখন বিশাখাপট্টনমৰ ৪ নং প্লেটফৰ্মত ৰৈ আছিল। সেইসময়তে B7 কোচত ধোঁৱা দেখিবলৈ পোৱা যায়। ধোঁৱা দেখি সেই কোচৰ যাত্ৰীসকল অন্য ডবালৈ দৌৰিবলৈ ধৰে। তাৰ পাছত কোচৰ পৰা জুই বিয়পিবলৈ আৰম্ভ কৰি মুহুৰ্ততে ৪ টা ডবা আগুৰি ধৰে।
ৰে’ল বিষয়াসকলৰ মতে, ৰে’লখন পুৱা প্ৰায় ৬:৩০ মান বজাত বিশাখাপট্টনম ৰে’ল ষ্টেচনত উপস্থিত হৈছিল। তাৰ পাছত ৯:৪৫ বজাত য়াৰ্ডলৈ ৰাওনা হোৱাৰ কথা আছিল। ইয়াৰ মাজতে ৰে’লখনৰ বি-৭ ডবাটোৰ পৰা ধোঁৱা ওলাবলৈ আৰম্ভ কৰে আৰু মুহূৰ্তৰ ভিতৰতে জুয়ে বি-৬ কোচটো আগুৰি ধৰিছিল।
জুই নিয়ন্ত্ৰণলৈ অনাৰ পাছত ৰে’লৱেই ঘটনাটোৰ কাৰণৰ তদন্তৰ নিৰ্দেশ দিছে। ৰে’লৱেই স্বীকাৰ কৰিছে যে এই দুৰ্ঘটনাটো বহুত ডাঙৰ হোৱাৰ সম্ভাৱনা আছিল। কিন্তু দুৰ্ঘটনাটোৰ সময়ত ৰে’লখন প্লেটফৰ্মত ৰৈ হৈ আছিল বাবে ই নিয়ন্ত্ৰণৰ হাতত থাকে। ৰে’লৱেই কাৰিকৰী ত্ৰুটিক দুৰ্ঘটনাটোৰ প্ৰাথমিক কাৰণ বুলি বৰ্ণনা কৰিছে। অৱশ্যে বিষয়টো যথাযথভাৱে তদন্ত কৰা হৈছে আৰু প্ৰতিবেদন প্ৰস্তুত কৰিবলৈ নিৰ্দেশ দিয়া হৈছে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
