জম্মু আৰু কাশ্মীৰৰ পহেলগামৰ পৰ্যটকৰ ওপৰত হোৱা সন্ত্ৰাসবাদী আক্ৰমণৰ ঘটনাৰ পাছতেই পাকিস্তানৰ বিৰুদ্ধে মুঠ ৫টা বৃহৎ পদক্ষেপ গ্ৰহণ কৰিছে ভাৰতে৷ জলচুক্তিৰ পৰা আৰম্ভ কৰি সীমান্তত নিষেধাজ্ঞা, ভিছা বাতিলকে ধৰি একাধিক কাঢ়া পদক্ষেপ গ্ৰহণ কৰিছে ভাৰতে৷ বুধবাৰে সন্ধিয়া দিল্লীত প্ৰধানমন্ত্ৰী নৰেন্দ্ৰ মোদীৰ বাসভৱনত জৰুৰী বৈঠক বহিছিল কেন্দ্ৰীয় মন্ত্ৰীসভাৰ নিৰাপত্তা সংক্ৰান্তীয় কমিটিৰ৷ প্ৰায় আঢ়ৈ ঘণ্টা ধৰি সেই বৈঠক চলিছে৷ বৈঠকৰ শেষত প্ৰায় নিশা ৯ বজাত সাংবাদিকৰ সৈতে মুখামুখি হয় CCSৰ বিষয়ববীয়াসকল৷ বিদেশ সচিব বিক্ৰম মিশ্ৰীয়ে পাকিস্তানৰ বিৰুদ্ধে লোৱা পাঁচটা বৃহৎ পদক্ষেপৰ কথা ঘোষণা কৰে৷ জনাই যে জম্মু-কাশ্মীৰত সম্প্ৰতি সফল নিৰ্বাচন অনুষ্ঠিত হৈছে৷ উপত্যকাটোৰ উন্নতি হৈছে৷ অৰ্থনৈতিক অগ্ৰগতি হৈছে৷ সেইবাবেই এই আক্ৰমণ৷
পাকিস্তানৰ বিৰুদ্ধে সেয়ে গ্ৰহণ কৰা হৈছে এই ৫ টা ডাঙক পদক্ষেপ৷
১. ১৯৬০ চনত স্বাক্ষৰিত সিন্ধু জলবণ্টন চুক্তি স্থগিত ৰখাৰ সিদ্ধান্ত লৈছে নতুনদিল্লীয়ে৷ যিমান দিন পাকিস্তানে আন্তঃসীমান্ত সন্ত্ৰাসৰ প্ৰতি সমৰ্থন জনাই থাকিব সিমানদিন এই চুক্তি স্থগিত থাকিব৷
২. আট্টাৰি-ৱাঘা সীমান্ত অবিলম্বে বন্ধ কৰি দিয়া হৈছে৷ উপযুক্ত নথিপত্ৰ লৈ যিসকলে এই সীমান্ত পাৰ হৈ ভাৰতত প্ৰৱেশ কৰিছে তেওঁলোককো ১ মে পৰ্যন্তহে সময় দিয়া হৈছে৷ তাৰ ভিতৰতেই তেওঁলোক সীমান্ত পাৰ হৈ ওলাই যাব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
