অসম লাইভ২৪ঃ যুদ্ধই হওক বা অৰ্থনৈতিক মন্দাৱস্তা, সকলোতেই সাধাৰণ জনতাই ধৰাশায়ী হয়। শ্ৰীলংকাত এতিয়াও মন্দাৱস্তা। দুবেলা-দুমুঠি সন্তানৰ মুখত তুলি দিবলৈ অপাৰগ এতিয়া শ্ৰী লংকাৰ বহু পৰিয়াল। শ্ৰীলংকাৰ এক মিডিয়া ৰিপৰ্টে প্ৰকাশ কৰা অনুযায়ী দেশখনন ৫৫ হাজাৰ শিশুৱেই স্বীকাৰ হৈছে পুষ্টিহীনতাৰ।
‘এমহীয়া ধনিছা, তাইৰ জন্মৰ পৰা শৰীৰৰ ওজন একেই আছে। শৰীৰৰ ওজন নবঢ়াৰ কাৰণ হৈছে নৱজাতকটিৰ শৰীৰত থাইৰক্সিনৰ অভাৱ। এই হৰমনে শৰীৰৰ বৃদ্ধিত বিশেষ ভুমিকা পালন কৰে। ধনিছাৰ মাতৃয়ে এই সন্দৰ্ভত দুখেৰে কয় যে গৰ্ভাৱস্থাত তেওঁ পৰ্যাপ্ত আহাৰ পোৱা নাছিল। সন্তান কেনেকৈ সুস্থ হ’ব? এবছৰ হ’ল ধনিছাৰ দেউতাকে চাকৰি হেৰুওৱা। তাৰ পাছতেই আৰম্ভ হৈছে দুবেলা দুমুঠি নোপোৱাৰ সেই দুৰ্ভিসহ দিনবোৰ। টকা নাই, ইপিনে দৈনিক মুল্যবৃদ্ধি।’ আটাইতকৈ কম দামত যি পোৱা যায় সেয়া খায়েই ভোক গুচায় ধনিছাৰ পৰিয়ালটোৰ দৰে শ্ৰীলংকাৰ প্ৰায়সংখ্যকেই। এই খাদ্য তালিকাত থাকে আলু, দাইল আৰু ভাত। শ্ৰীলংকাৰ প্ৰায়সংখ্যক শিশুৱেই এতিয়া অসুস্থ।
কেৱল খাদ্যৰ অভাৱেই হৈছে এনে নহয়। শ্ৰীলংকাত এতিয়া শিক্ষাৰ ক্ষেত্ৰতো আহিছে বাধা। এখন ঘৰত যদি দুটা সন্তান আছে তেন্তে মাত্ৰ এটাইহে শিক্ষাগ্ৰহণ কৰিব পাৰিব। কিয়নো দুটাকৈ সন্তানৰ শিক্ষাৰ খৰচ বহন কৰিব পৰাকৈ শ্ৰীলংকাৰ বহু পৰিয়ালৰেই এতিয়া সামৰ্থ নাই। শ্ৰীলংকাই মন্দাৱস্থাৰ পৰা কিছু উন্নত হৈছে বুলি বিশ্বজুৰি চৰ্চা চলাৰ সময়তে শ্ৰীলংকাৰ এটা বিশেষ মিডিয়া ৰিপৰ্টত প্ৰকাশ হোৱা এই কথাই চিন্তিত কৰি তুলিছে প্ৰায়সংখ্যকেই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
