প্ৰাক্তন শিক্ষা মন্ত্ৰী থানেশ্বৰ বড়োৰ দেহাৱসান। আজি পুৱাই মৃত্যুক আঁকোৱালি লয় অসমৰ প্ৰাক্তন শিক্ষামন্ত্ৰীগৰাকীয়ে। আজি শুকুৰবাৰে পুৱা প্ৰায় ৭.০৮ মান বজাত গুৱাহাটী মেডিকেল কলেজ হাস্পতালত অন্তিম নিশ্বাস ত্যাগ কৰে প্ৰাক্তন শিক্ষামন্ত্ৰীগৰাকীয়ে।
অগপ দলৰ প্ৰাক্তন সভাপতি তথা প্ৰাক্তন কেবিনেট তথা শিক্ষা মন্ত্ৰী তাৰোপৰি অগপ চৰকাৰৰ প্ৰথমটো কাৰ্যকালত ৰাজহ মন্ত্ৰী আছিল থানেশ্বৰ বড়ো। দীৰ্ঘদিন ধৰি মধুমেহ, যকৃৎ, বৃক্ক আৰু হৃদৰোগত আক্ৰান্ত হৈ আছিল বড়ো। মৃত্যুৰ সময়ত থানেশ্বৰ বড়োৰ বয়স হৈছিল ৮৫ বছৰ।
বিগত কেইবাদিনো ধৰি খাদ্যগ্ৰহণ কৰাৰ ক্ষেত্ৰত অসুবিধা হোৱাত ৰঙিয়া হাস্পতালত ভৰ্তি কৰোৱা হৈছিল বড়োক। পাছলৈ বিগত সোমবাৰে উন্নত চিকিৎসাৰ বাবে গুৱাহাটীলৈ অনা হৈছিল বড়োক। বৰ্তমানৰ স্বাস্থ্যমন্ত্ৰী কেশৱ মহন্তই এক্স যোগে জানিবলৈ দিছিল এই বিষয়ে।
https://x.com/keshab_mahanta/status/1790068051565490397
দেহৰ বিভিন্ন অংশত পানী জমা হোৱাৰ কথা চিকিৎসকে জানিবলৈ দিছিল প্ৰাক্তন মন্ত্ৰী বড়ো সন্দৰ্ভত। অসম চৰকাৰৰ প্ৰাক্তন শিক্ষা আৰু ৰাজহ বিভাগৰ মন্ত্ৰী হোৱাৰ উপৰি ৩ বাৰকৈ ৰঙিয়া সমষ্টিৰ বিধায়ক আছিল বড়ো। অগপ চৰকাৰৰ প্ৰথমটো কাৰ্যকালত তেওঁ ৰাজহ মন্ত্ৰী হোৱাৰ লগতে পৰৱৰ্তী সময়ত দুবাৰকৈ শিক্ষামন্ত্ৰী হিচাপে কাৰ্যনিৰ্বাহ কৰিছিল ।
https://x.com/keshab_mahanta/status/1791129674405310709
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
