গেংষ্টাৰ লৰেন্সৰ ভাতৃয়ো মোষ্ট ৱাণ্টেড, ভাতৃ অনমোলৰ ওপৰত NIAৰ ১০ লাখ টকাৰ পুৰস্কাৰ
গেংষ্টাৰ লৰেন্স বিষ্ণোইৰ ভাতৃ আনমোলৰ ওপৰত NIA-এ ১০ লাখ টকাৰ পুৰস্কাৰ আৰোপ কৰিছে। এন আই এৰ মষ্ট ৱাণ্টেড তালিকাতো অন্তৰ্ভুক্ত হৈছে আনমোল বিষ্ণোইৰ নাম। কানাডা আৰু আমেৰিকাত বহি থকা এই গেঙটো চলাই আছে লৰেন্স বিষ্ণয়ৰ ভাতৃ আনমোলে।
বাবা ছিদ্দিকী হত্যাকাণ্ডৰ গোচৰতো আনমোল বিষ্ণোইৰ নাম জড়িত। এই হত্যাকাণ্ডৰ গুলীচালনাকাৰীসকল আনমোল বিষ্ণোইৰ সংস্পৰ্শত আছিল। ছলমান খানৰ ঘৰত গুলীচালনাৰ দায়িত্বও স্বীকাৰ কৰিছে আনমোল বিষ্ণোইয়ে।
৯ মিনিটৰ ভাষণ দি ছলমান খানৰ ঘৰত গুলীচালনা কৰা গুলীচালনাকাৰীক উচটনি দিছিল কাৰাবন্দী গেংষ্টাৰ লৰেন্স বিষ্ণোইৰ ভাতৃ আনমোল বিষ্ণোইয়ে। এই কথা মুম্বাই আৰক্ষীৰ অপৰাধ শাখাই দাখিল কৰা অভিযোগনামাত উল্লেখ কৰা হৈছে।
বিগত ১৪ এপ্ৰিলৰ পুৱা বান্দ্ৰাৰ গেলাক্সি এপাৰ্টমেণ্টৰ ছলমান খানৰ ঘৰৰ বাহিৰত মটৰ চাইকেল চলাই গুপ্তা আৰু পাল নামৰ দুজন লোকে কেইবাটাও গুলীচালনা কৰিছিল। দুয়োজনে গুলী নিক্ষেপ কৰি পলায়ন কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
