অসম লাইভ২৪ঃ আমেৰিকাৰ শ্বেয়াৰ সংক্ৰান্তীয় গৱেষক সংস্থা ‘হিণ্ডেনবাৰ্গ’ এ দিয়া ৰিপৰ্টৰ পাছতেই বেয়া দিন চলিছে আদানীৰ৷ ১০ দিনত আদানীয়ে মুঠ ১১ হাজাৰ ৮০০ কোটি ডলাৰ হেৰুৱাইছে আদানীয়ে৷ ভাৰতীয় মূদ্ৰাত এই ধনৰ পৰিমান হ’ব ৯লাখ ৭৩ হাজাৰ ৪০১ কোটি টকা৷ বাণিজ্য তথা অৰ্থনীতি বিষয়ক ওৱেবচাইট ‘ফৰচুন’ৰ প্ৰতিবেদন অনুযায়ী হিণ্ডেনবাৰ্গৰ ৰিপৰ্ট অহাৰ আগতে আদানী গোষ্ঠীৰ মুঠ সম্পত্তিৰ পৰিমান আছিল ২১ হাজাৰ ৭০০ কোটি ডলাৰ৷ ১০ দিনত এই সম্পত্তিৰ পৰিমান হৈছেগৈ ৯ হাজাৰ ৯০০ কোটি ডলাৰ৷
অৰ্থাৎ ১০ দিনত আদানীৰ মুঠ সম্পত্তিৰ ৫০ শতাংশতকৈয়ো অধিক সম্পত্তিৰ লোকচান হৈছে৷ ইয়াৰ লগে লগেই আদানীয়ে এছিয়াৰ আটাইতকৈ ধনী ব্যক্তিৰ নামৰ তালিকাৰ পৰাও বাদ পৰিছে৷ হিণ্ডেনবাৰ্গৰ ৰিপৰ্টৰ পাছতেই এই পতন আৰম্ভ হৈছে গৌতম আদানীৰ৷ বিশ্বৰ আটাইতকৈ ধনী ব্যক্তিৰ তালিকাৰ পৰা ২২ নম্বৰ স্থানলৈ আহিছে গৌতম আদানী৷ বৃহস্পতিবাৰ পৰ্যন্ত আদানীয়ে এই ঝনী ব্যক্তিৰ তালিকাত ১৬ নম্বৰ স্থানত আছিল৷ হিণ্ডেনবাৰ্গৰ ৰিপৰ্টৰ পাছতেই আদানীৰ ১০ টা সংস্থাৰ শ্বেয়াৰ মাৰ্কেট হোৰাহোৰে নামিছে৷ কোনো সংস্থাৰ যদি ১৭ শতাংশ পতন হৈছে কোনো সংস্থাৰ পতন হৈছে ৫১ শতাংশ৷ বুধবাৰে দাখিল কৰা কেন্দ্ৰীয় বাজেটত এএফপিও বাতিল হৈছে আদানী গোষ্ঠীৰ৷
১ ফেব্ৰুৱাৰী পৰ্যন্ত ‘আদানী এণ্টাৰপ্ৰাইজ’ৰ শ্বেয়াৰৰ দাম আছিল ৩৮ শতাংশ৷ ক্ষতিৰ পৰিমান আছিল প্ৰায় ৪ লাখ কোটি৷ ‘আদানী ট্ৰান্সমিছন’ ত ক্ষতিৰ নিৰিখ আছিল তৃতীয় স্থানত৷ বিগত ৯ দিনত শ্বেয়াৰৰ দাম ৩৭ শতাংশ কমিছে বুলি এটা সংস্থাই দাবী কৰিছে৷ ‘আদানী গ্ৰীণ এনাৰ্জীৰ ক্ষতি হৈছে প্ৰায় ৪০ শতাংশ৷ ৯ দিনত আদানী পোৰ্টছ এণ্ড ছেজৰ শ্বেয়াৰত ক্ষতি হৈছে ৩৫ শতাংশ৷ আদানী পাৱাৰৰ ক্ষতিৰ পৰিমান ১ লাখ কোটিৰো অধিক৷ অম্বুজা চিমেণ্টৰ ক্ষতিৰ পৰিমান ৩৩ শতাংশ৷ আদানী উইলমাৰৰ শ্বেয়াৰ মাৰ্কেটত পতন হৈছে ২৩ শতাংশ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
