গাজিয়াবাদৰ লনীত বেলেগ ধৰণেৰে ঈদ উদযাপন কৰা হৈছে। বহু মুছলমান পৰিয়ালে বিধায়ক নন্দকিশোৰ গুৰজাৰৰ ঈদৰ আহ্বানক সমৰ্থন কৰে। বিধায়কজনৰ নিৰ্দেশৰ পিছতে ছাগলী বলি দিয়াৰ পৰিৱৰ্তে মানুহে ছাগলী আকৃতিৰ কেক কাটি ঈদৰ শুভেচ্ছা আদান-প্ৰদান কৰি ভাতৃত্ববোধৰ বাৰ্তা বিয়পায়।
এইবাৰ গাজিয়াবাদৰ ল’নীৰ ৰাইজে সাক্ষী হৈছিল এক অনন্য ঈদ উল-আজহাৰ। বিজেপিৰ বিধায়ক নন্দ কিশোৰ গুৰজাৰে বাসিন্দাসকলক পশু বলিৰ পৰা আঁতৰি তাৰ পৰিৱৰ্তে প্ৰতীকী ছাগলীৰ প্ৰতিমূৰ্তি বা ছাগলী আকৃতিৰ কেট কাটি ঈদ উদযাপন কৰিবলৈ আহ্বান জনায়। এই আবেদনৰ পিছত বহু পৰিয়ালে পৰম্পৰাগত বলিদানৰ পৰিৱৰ্তে কেক আৰু প্ৰতীকীৰ পথ বাছি লৈ সাধাৰণভাৱে বকৰিদ উদযাপন কৰে।
ল’নীৰ বাসিন্দা খালিদ, চান্দ, আৰবাজ, কামৰুদ্দিন আনছাৰী, হাজী লিয়াকত, হাজী বাবু, আদিয়ে এই পদক্ষেপৰ নেতৃত্ব দিয়ে। সকলোৱে সমাজ আৰু পৰিৱেশৰ প্ৰতি লক্ষ্য ৰাখি এই পদক্ষেপ লোৱা বুলি উল্লেখ কৰে। সময়ৰ লগে লগে পৰিৱৰ্তন প্ৰয়োজনীয়, প্ৰকৃতিক ৰক্ষা কৰাটো সকলোৰে দায়িত্ব বুলি তেওঁলোকে গুৰুত্ব আৰোপ কৰে।
বিধায়ক নন্দকিশোৰ গুৰজাৰে এই পদক্ষেপক প্ৰশংসা কৰে। তেওঁ কয় যে লনীৰ মুছলমান সমাজে এটা ভাল আৰু ইতিবাচক বাৰ্তা প্ৰেৰণ কৰিছে। ই আনৰ বাবে প্ৰেৰণা হিচাপে কাম কৰিব। তেওঁ কয় যে একেলগে উৎসৱ উদযাপন কৰি পৰিৱেশৰ যত্ন লোৱাৰ ধাৰণাটো প্ৰশংসনীয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
