মঙ্গলক লৈ মানুহৰ কল্পনাৰ অন্ত নাই৷ এইবাৰ মঙ্গল গ্ৰহক লৈ আন এক ভাৱনা আৰম্ভ হৈছে৷ মঙ্গলত সোণ খনি আছে নেকি? নাছাৰ ৰোভাৰে যি শিলৰ ছবি দিছে সেই ছবিক কেন্দ্ৰ কৰিয়েই এই অনুমান কৰা হৈছে৷
নাছাৰ ৰোভাৰটি মঙ্গলত ঘূৰিছিল৷ ঠিক সেই সময়তেই ৰোভাৰৰ চকা এক স্থানত ফঁচি যায়৷ সেই ফঁচি যোৱা স্থানত থকা শিলটোৰ ছবি ৰোভাৰে পঠিওৱাৰ পাছতেই নাছাৰ বিজ্ঞানীৰ চঁকু কঁপালত উঠিছে৷ তেওঁলোকে ধাৰণা কৰিছে এয়া সোণৰ পাথৰ৷ ইয়াত সোণৰ খনি থকাৰ কথাও ধাৰণা কৰিছে বিজ্ঞানীয়ে৷
ৰোভাৰে মঙ্গলৰ পৰা ৭টা শিলৰ ছবি দিছিল৷ তাৰ মাজত এই শিলৰ ৰং সকলোতকৈ পৃথক হোৱাক লৈ চিন্তাত পৰিছে নাছা৷ বিগত ৪ মাহ ধৰি ৰোভাৰ ঘূৰি আছে মঙ্গলৰ মাটিত৷ পৃথিৱীৰ দৰে মঙ্গলতো কোনো এক সময়ত আগ্নেয়পিণ্ড আছিল৷ পৃথিৱীৰ দৰেই মঙ্গলো ধীৰে ধীৰে শীতল হৈছে৷ অৱশ্যে তাত এতিয়াও প্ৰাণৰ সন্ধান লাভ কৰিব পৰা নাই বিজ্ঞানীয়ে৷ প্ৰাণৰ সন্ধান নাপালেও মঙ্গলৰ বুকুত হয়তো আছে সোণৰ খনি৷
মঙ্গলৰ পৰা পানীও হেৰাই গৈছে বহুবছৰ পূৰ্বে৷ কিন্তু শুকাই যোৱা মঙ্গলৰ মাটিৰ পৰা বাহিৰলৈ ওলাই অহা এই সোণালী ৰঙৰ শিলে মঙ্গলৰ মাটিৰ তলত খনিজ থকাৰ প্ৰমাণ বুলি ধাৰণা বিজ্ঞানীৰ৷ যদি মঙ্গলৰ মাটিত সোণ থকাৰ কথাটো সঁচা হয় তেন্তে এক নতুন যুগৰ সূচনা হ’ব পৃথিৱীতো৷ খনিজ থাকিলে মঙ্গলত পানীও গেছ আকাৰে থাকিব পাৰে বুলি ধাৰণা কৰিছে বিজ্ঞানীয়ে৷
পানী বা খনিজ থাকিলেও মঙ্গলৰ বৰ্তমান পৰিস্থিতি চাই এটা কথা ধাৰণা কৰিব পাৰি যে তাত প্ৰাণ থকা এতিয়াও সম্ভৱ নহয়৷ মঙ্গলত দিন আৰু ৰাতি যি তাপমাত্ৰাৰ হেৰফেৰ হয় তাত কোনো জীৱই বাচি থকা সম্ভৱ নহয়৷ নাছাৰ ৰোভাৰে এই সোণৰ ৰঙৰ শিলৰ এটা টুকুৰা নিজে কঢ়িয়াই আনিব৷ যদি ৰোভাৰটো সঠিকভাৱে পৃথিৱীলৈ উভতাই অনা হয় তেন্তে সেই শিলৰ টুকুৰাও পৃথিৱী পাবহি৷ কিন্তু সেই ৰোভাৰ পৃথিৱীলৈ উভতি আহিবনে সেয়া এতিয়াও নিশ্চিত নহয়৷ ধাৰণা কৰা হৈছে ২০২৪ চনত হয়তো পৃথিৱীলৈ উভতিব ৰোভাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
