সোণৰ পাৰ্শ্বক্ৰিয়া, এই ৩ ৰাশিয়ে ভুলতো পৰিধান নকৰিব সোণ, স্বাস্থ্য-সৌভাগ্য দুয়োটাতে ক্ষতি
“সোণ”ক বহুমূলীয়া ধাতু বুলি কোৱা হয় আৰু ইয়াক পিন্ধিলে বহু উপকাৰ পোৱা যায়। জ্যোতিষৰ মতে যদি আপুনি সোণ পিন্ধে তেন্তে দুৰ্বল গ্ৰহবোৰকো শক্তিশালী কৰিব পাৰি। কাণত সোণ পিন্ধিলে সূৰ্য্য গ্ৰহ শক্তিশালী হয় আৰু সমাজত সন্মান বৃদ্ধি পায়।
বৃহস্পতি গ্ৰহৰ লগতো সোণৰ সম্পৰ্ক ৰখা হৈছে। সোণ পৰিধান কৰিলে ধন-সম্পত্তি বৃদ্ধি পায় আৰু বিলাসীতা উপভোগ কৰিব পাৰি। সোণ পৰিধান কৰিলে শৰীৰত শক্তি বৃদ্ধি পায় আৰু লগতে আপোনাৰ আত্মবিশ্বাস বৃদ্ধি পায়।
সোণৰ ইমানবোৰ উপকাৰ থকাৰ পিছতো ইয়াক পিন্ধিলে কিছুমান ৰাশিৰ বাবে উপকাৰী নহ’লেও ক্ষতিকাৰক হ’ব পাৰে। বৈদিক জ্যোতিষত এনে ৰাশিৰ বিষয়ে উল্লেখ আছে যাৰ বাবে সোণ পৰিধান কৰাটো শুভ নহয়। এনে ৰাশিৰ বাবে সোণ দুৰ্বল স্বাস্থ্যৰ লগতে দুৰ্ভাগ্যৰ কাৰক হ’ব পাৰে।
এই ৩ ৰাশিয়ে সোণ পৰিধান কৰিব নালাগে-
বৃষ ৰাশি
বৃষ ৰাশিৰ লোকে সোণ পিন্ধাটো ভাল বুলি গণ্য কৰা নহয়। সন্মান আৰু আত্মবিশ্বাস বৃদ্ধিৰ বাবে সোণক সৰ্বোত্তম বুলি গণ্য কৰা হয় যদিও বৃষ ৰাশিৰ লোকে জ্যোতিষীৰ পৰামৰ্শ লৈহে সোণ পৰিধান কৰিব লাগে। যদি আপুনি সোণ পিন্ধিব বিচাৰে তেন্তে প্ৰথমে আপোনাৰ জন্ম তালিকা পৰীক্ষা কৰক। ইয়াৰ পিছতহে সোণ পিন্ধাৰ কথা চিন্তা কৰক।
মিথুন ৰাশি
বৈদিক জ্যোতিষৰ মতে মিথুন ৰাশিৰ লোকে সোণ পৰিধান কৰিব নালাগে। এই ৰাশিৰ লোকে যদি জ্যোতিষীৰ পৰামৰ্শ অবিহনে সোণ পৰিধান কৰে তেন্তে তেওঁলোকে কু-প্ৰভাৱৰ সন্মুখীন হ’বলগীয়া হয়। কৰ্মৰ অগ্ৰগতি বন্ধ হ’ব পাৰে, স্বাস্থ্যৰ অৱনতি ঘটিব পাৰে, কেৰিয়াৰত সফল হোৱাত সমস্যাৰ সৃষ্টি হ’ব পাৰে ইত্যাদি।
কুম্ভ ৰাশি
কুম্ভ ৰাশিৰ লোকে সোণ পিন্ধাটো ভাল বুলি গণ্য কৰা নহয় যদিও ৰাশিফল চাই আৰু জ্যোতিষীৰ পৰামৰ্শ লোৱাৰ পিছত তেওঁলোকে সোণ পিন্ধিব পাৰে। সোণ পিন্ধাৰ ফলত স্বাস্থ্য ভাল নহ’ব। বাৰে বাৰে অসুস্থ হৈ পৰিব। অগ্ৰগতি লাভ কৰাৰ আগতেই সমস্যাৰ সৃষ্টি হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
