সাৱধান হওক, এণ্ড্ৰইড ফোনৰ এটা ক্ষতিকাৰক বেংকিং এপে পিয়াপি দি ফুৰিছে। এই ধন চুৰি কৰা কেলেংকাৰী এপটোৱে ডাটা আৰু পাছৱৰ্ড সংগ্ৰহ কৰি বেঙ্কিং এপ, অনলাইন ৱালেট, বীমা এপ, ক্ৰিপ্টো ৱালেটৰ পৰা তথ্য চুৰি কৰাৰ লগতে ধনো চুৰি কৰিব পাৰে।
ব্যৱহাৰকাৰীয়ে নতুন পাছৱৰ্ড ৰিছেট কৰাৰ লগে লগে, হেকাৰসকলে পাছৱৰ্ডটো চুৰি কৰি ভুক্তভোগীৰ পৰা ধন সৰকাই নিয়ে। এই অনলাইন কেলেংকাৰীৰ আটাইতকৈ ভয়ংকৰ কথাটো হ’ল যে এপটো গুগল প্লে’ষ্টোৰত উপলব্ধ আছিল৷
ইতিমধ্যে প্লেষ্ট’ৰৰ পৰা ১০,০০০ ৰো অধিক ব্যৱহাৰকাৰীয়ে এই এপটো ডাউনলোড কৰিছে। ইয়াক ‘কিউআৰ কোড এণ্ড বাৰকোড-স্কেনাৰ এপ’ নাম দিয়া হৈছে আৰু এতিয়া গুগল প্লে ষ্টোৰৰ পৰা নিষিদ্ধ কৰা হৈছে।
অনলাইন প্ৰৱঞ্চনা ব্যৱস্থাপনা আৰু প্ৰতিৰোধ প্ৰতিষ্ঠান ক্লিফিৰ এক প্ৰতিবেদনত উল্লেখ কৰা হৈছে যে টিবট নামৰ এটা এপৰ দ্বাৰা মুকলি কৰা ট্ৰজান মালৱেৰ ২০২১ চনৰ আৰম্ভণিতে পোহৰলৈ আহিছিল। ট্ৰজানটো ভুক্তভোগীৰ ‘প্ৰমাণপত্ৰ আৰু এছএমএছ’ চুৰি কৰাৰ বাবে প্ৰস্তুত কৰা হৈছিল। মালৱেৰটো অতি বুদ্ধিমত্তাৰে ডিজাইন কৰা হৈছিল যাতে অতি নীৰৱেৰে ই কাম থাকিব পাৰে।
‘কিউআৰ কোড আৰু বাৰকোড’ স্কেনাৰ এপটো ব্যৱহাৰকাৰীসকলক প্ৰথমে কিছু লাভালাভ প্ৰদান কৰাৰ বাবে ডিজাইন কৰা হৈছিল আৰু এনেদৰে ই যথেষ্ট জনপ্ৰিয় হৈ পৰিছিল। যিহেতু ই বিজ্ঞাপন হিচাপে কাম কৰিছিল, ইয়াৰ বিষয়ে পৰ্যালোচনাবোৰো প্ৰথমে ইতিবাচক আছিল।
ইনষ্টল হোৱাৰ পিছত ট্ৰজানবোৰে স্মাৰ্টফোনৰ স্ক্ৰীণ নিয়ন্ত্ৰণ কৰিবলৈ অনুমতি বিচাৰিছিল। এইটো সম্পূৰ্ণ হোৱাৰ পিছত, ই সংবেদনশীল তথ্য যেনে লগইন বিৱৰণ, এছএমএছ আৰু প্ৰমাণীকৰণ কোডেৰে চিনাক্তকৰণ কৰিছিল। ইয়াৰ পিছতে ক্ষতিকাৰকভাৱে টিবিঅ’টিক অধিক সংবেদনশীল ডাটাৰ সহজ প্ৰৱেশাধিকাৰ প্ৰদান কৰাৰ সময়ত কীব’ৰ্ড প্ৰবিষ্টি ৰেকৰ্ড কৰিবলৈ অনুমতি বিচাৰিছিল।
লগতে পঢ়ক আধুনিকতাৰ দিশে আৰৱ বিশ্ব! ’সুৰা, জুৱা, গাহৰি মাংসও উপলব্ধ হ’ব চৌদি আৰৱত’
এপটো গুগল প্লে ষ্টোৰৰত পোৱা গৈছিল আৰু যোৱা দুবছৰত ইয়াক বিকাশ কৰা হৈছিল। প্ৰথমতে এছ.এম.এছ.-আধাৰিত ফিছিং অভিযানৰ জৰিয়তে ট্ৰজান বিতৰণ কৰা হৈছিল৷ ব্যৱহাৰকাৰীসকসলে এপটো আপডেট কৰাৰ পিছতে মোবাইলত উহ্য হৈ সক্ৰিয় হৈ থকা হৈছিল৷। ধন চুৰিৰ বাবে বিকাশ কৰা এই এপটো গুগলে পিছত প্লেষ্ট’ৰৰ আঁতৰাই দিছিল৷ যদি আপুনি এতিয়াও এই এপটো স্মাৰ্টফোনত ব্যৱহাৰ কৰিছিল তেনে ইয়াক আনষ্টল কৰি দিয়ক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
