আগন্তুক ৯ অক্টোবৰত পালিত হ’ব মহাষষ্ঠী৷ দেৱী বোধনৰ মাজেৰে এইকেইদিন চলিব দেৱী দুৰ্গাৰ আৰাধনা৷ অৰ্থাৎ ৯ অক্টোবৰৰ পুৱা ১০ বাজি ১ মিনিটত বৃষ ৰাশিত বক্ৰী চলনত যাব বৃহস্পতি৷ আগন্তুক বছৰ ৪ফেব্ৰুৱাৰী পৰ্যন্ত বৃষ ৰাশিত বক্ৰীদশাত থাকিব গুৰু গ্ৰহ বৃহস্পতি৷ জ্যোতিষ গণনাই কৈছে যে বৃহস্পতিৰ বিপৰীতমুখী চলন আৰম্ভ হ’লে মা দুৰ্গাৰ কৃপাত সৌভাগ্য সোনৰ দৰে চমকিব পাঁচ ৰাশিৰ জাতকৰ৷ জানি থওক বক্ৰী বৃহস্পতিৰ প্ৰভাৱত মা দুৰ্গাৰ আশীৰ্বাদ লাভ কৰিব কোন কোন ৰাশিৰ জাতকে৷
বৃষ ৰাশি
বৃহস্পতি বক্ৰী হ’লে প্ৰচুৰ লাভৱান হ’ব বৃষ ৰাশিৰ জাতক৷ এই সময়ত নানান দিশৰ পৰা অৰ্থ উপাৰ্জন কৰিব পাৰিব আপুনি৷ নিজৰ বাকী থকা সকলো কাম সম্পূৰ্ণ কৰিব পাৰিব৷ মনত আনন্দ থাকিব৷ আয় বাঢ়িব আৰু কাৰ্যালয়ত প্ৰমোছনো পাব পাৰে৷ ব্যৱসায়ীসকল আৰ্থিকভাৱে লাভৱান হ’ব৷ বৃষ ৰাশিৰ জাতকৰ সংসাৰত সুখৰ পৰিবেশ বৰ্তি থাকিব৷
মিথুন ৰাশি
বৃহস্পতিৰ বক্ৰী চলনত পুজাৰ মাজতেই সৌভাগ্য লাভ কৰিব পাৰিব মিথুন ৰাশিৰ জাতকে৷ এই সময়ত আপোনাৰ জীৱনত সুখ ভৰপুৰ হৈ থাকিব৷ চাকৰি পৰিবৰ্তন কৰাৰ কথা ভাৱিলে সেয়াও সম্ভৱ হৈ উঠিব৷ চাকৰিত পদোন্নতি কৰিব পাৰে৷ বিদেশ যাত্ৰাৰ সম্ভাৱনা আছে৷ ব্যৱসায়ত কোনো বৃহৎ চুক্তি স্বাক্ষৰ কৰিব পাৰে মিথুন ৰাশিৰ জাতকে৷ প্ৰেমৰ দিশৰ পৰা এই সময় লাভজনক হ’ব৷
কৰ্কট ৰাশি
বৃহস্পতি বক্ৰী হ’লে মা দুৰ্গাৰ আশীৰ্বাদত সমাজত সন্মান আৰু প্ৰতিপত্তি বাঢ়িব কৰ্কট ৰাশিৰ জাতকৰ৷ এই সময়ত আপুনি সকলো কামতে ভাগ্যক নিজৰ কাষত পাব৷ সৌভাগ্য আৰু সমৃদ্ধি বৃদ্ধি পাব৷ নতুন চাকৰিৰ প্ৰস্তাৱ পাব পাৰে৷ সকলো কামত পৰিয়ালৰ সদস্যসকলে আপোনাক সহায় কৰিব৷ ৰৈ থকা সকলো কাম এই সময়ত সম্পূৰ্ণ কৰিব পাৰিব৷ নতুন পৰিকল্পনাৰে কাম কৰিব৷
ধনু ৰাশি
আগন্তুক ৯ অক্টোবৰত বৃহস্পতিৰ বক্ৰী হ’লে হঠাৎ সৌভাগ্যৰ দুৱাৰ খুলিব ধনু ৰাশিৰ জাতকৰ৷ এই সময়ত নতুন সম্পত্তি ক্ৰয় কৰিব পাৰিব৷ নতুন বাহন ক্ৰয়ৰ যোগ আছে৷ বিবাহৰ কথাও পাক্কা হ’ব পাৰে ধনু ৰাশিৰ জাতকৰ৷ চাকৰি আৰু ব্যৱসায়ত উন্নতি কৰিব পাৰিব৷ জীৱনসংগীৰ সৈতে খুব ভাল সময় কটাব পাৰে আপুনি৷ জীৱনত সুখ ভৰপুৰ হৈ থাকিব৷
মীন ৰাশি
বৃহস্পতিৰ বিপৰীত চলনত থাকোতে তাৰ শুভ প্ৰভাৱ পৰিব মীন ৰাশিৰ জাতকৰ জীৱনত৷ এই সময়ত আপুনি নিজৰ উপাৰ্জন বহু পৰিমানে বৃদ্ধি কৰিব পাৰিব৷ ফলত আৰ্থিক অৱস্থা শক্তিশালী হ’ব মীন ৰাশিৰ জাতকৰ৷ ব্যৱসায়ত আপুনি কিছু নতুন চেলেঞ্জ ল’ব যিয়ে আপোনাক উন্নতিৰ দিশত আৰু বেছিকৈ আগুৱাই নিব৷ ধৰ্মীয় বিষয়ত আগ্ৰহ বাঢ়িব মীন ৰাশিৰ জাতকৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
