ভাৰতীয় ক্ৰিকেট দলৰ প্ৰাক্তন অধিনায়ক মহম্মদ আজহাৰউদ্দিনলৈ চমন পঠিয়ালে ইডিয়ে৷ হায়দৰাবাদ ক্ৰিকেট এছোচিয়েছনৰ সৈতে সম্পৰ্কযুক্ত এক আৰ্থিক দুৰ্নীতিৰ গোচৰত তলব কৰা হৈছে তেওঁক৷ নিজৰ বিৰুদ্ধে উঠা সমস্ত অভিযোগ তেওঁ অস্বীকাৰ কৰিছে৷ ২০১৯ চনৰ হায়দৰাবাদ ক্ৰিকেট এছোচিয়েছনৰ প্ৰেছিডেণ্ট পদৰ দায়িত্বত আছে মহম্মদ আজহাৰউদ্দিন৷
২০১৯ চনত হায়দৰাবাদ ক্ৰিকেট এছোচিয়েছনৰ প্ৰেচিডেণ্ট পদৰ দায়িত্ব পায় মহম্মদ আজহাৰউদ্দিনে৷ অভিযোগ অনুসৰি সেই সময়ত সংস্থাৰ ধনত দুৰ্নীতি হৈছিল৷ প্ৰায় ২০ কোটি টকাৰ কেলেংকাৰীৰ অভিযোগ উঠিছিল ভাৰতীয় ক্ৰিকেট টিমৰ প্ৰাক্তন কেপ্টেইনৰ বিৰুদ্ধে৷ হায়দৰাবাদৰ উপ্পলৰ ৰাজীৱ গান্ধী ক্ৰিকেট ষ্টেডিয়ামত ডিজেল জেনাৰেটৰ, অগ্নিনিৰ্বাপণ যন্ত্ৰ আদি ক্ৰয়ৰ বাবে ধন মুকলাই দিয়া হৈছিল তাতেই হৈছিল কেলেংকাৰী৷ আজহাৰউদ্দিনক সেই গোচৰতেই প্ৰথমবাৰ তলব কৰিছে ইডিয়ে৷
মহম্মদ আজহাৰউদ্দিন পূৰ্বেও একাধিক বিতৰ্কত সোমাই পৰিছিল৷ ১৯৮৯ চনত ভাৰতীয় ক্ৰিকেট টিমৰ কেপ্টেইন হয় তেওঁ৷ ৪৭টা টেষ্ট মেচ আৰু ১৭৮খন ৱান ডে ইণ্টাৰনেশ্ব্যনেলত তেওঁ ভাৰতীয় ক্ৰিকেট দলক নেতৃত্ব দিছিল৷ তেওঁ কেপ্টেইন হৈ থকাৰ সময়ত ১৪খন মেচ আৰু ৯০খন ৱান ডে ইণ্টাৰনেশ্ব্যনেলত জয়ী হৈছিল ভাৰতীয় টিম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
