পুনৰ জলবিস্ফোৰণ, ৫ জানুৱাৰীলৈ গুৱাহাটী বাসীয়ে লাভ নকৰে পানী, চকুৰ প্ৰচাৰতে ধ্বংস ঘৰ-দোকান
নতুন বছৰৰ আজি দ্বিতীয়টো দিনতে পুৱাই গুৱাহাটী বাসীলৈ আহে এক বেয়া খবৰ। অহা ৩ দিনলৈ গুৱাহাটীবাসীয়ে লাভ নকৰে পানী।
৫ জানুৱাৰীলৈকে গুৱাহাটীৰ বহু কেইটা অঞ্চলত পানী যোগান বন্ধ ৰাখিব জল বৰ্ডে। অমিয় নগৰ, লিচু বাগান, চানমাৰী, ৰাজগড়, লাচিত নগৰ, উলুবাৰী, ৰূপ নগৰ আৰু বৰা ছাৰ্ভিছলৈ পানী যোগান বন্ধ।
খাৰঘূলিত হোৱা জল বিস্ফোৰণৰ পাছতে এই সিদ্ধান্ত জল বৰ্ডৰ। ‘জাইকা’ৰ প্ৰকল্প সঞ্চালক পল্লৱ গোপাল ঝাৰ ঘটনাস্থলী প্ৰত্যক্ষ কৰি এই গুৰুত্বপূৰ্ণ ঘোষণা কৰে।
উল্লেখ্যে যে, খাৰঘূলিৰ নামঘৰ চকত পুৱাই পাইপ ফুটি সৃষ্টি হৈছিল হাঁহাকাৰ পৰিস্থিতিৰ। ধ্বংসস্তুপত পৰিণত হৈছিল বহুকেইটা বাসগৃহ। ২০ৰ পৰা ৩০ফুটঁ ওপৰলৈ উঠিছিল পানী।
জলবিস্ফোৰণত ৫খনকৈ দোকানো ক্ষতিগ্ৰস্ত হৈছে। সম্প্ৰতি বন্ধ উজান বজাৰ-খাৰঘূলিৰ যাতায়াত ব্যৱস্থা। উজান বজাৰ-খাৰঘূলি পথত একাঁঠুলৈকে উঠিছে পানী।
জাইকাৰ কাৰ্যালয়ৰ সমীপতে সংঘটিত এই ভয়াৱহ ঘটনা। ঘটনাৰ পিছতে অঞ্চলটোত বিচ্ছিন্ন কৰা হৈছে বিদ্যুৎ সংযোগ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
