অসম লাইভ ২৪ঃ নেৰানেপেৰা বৰষুণৰ ফলত একেদিনাই মহানগৰীত সংঘটিত হৈছে দুটাকৈ অঘটন৷ বৰষুণৰ ফলত মহানগৰীৰ মালিগাঁৱত ভূমিস্খলন৷ ভূমিস্খলনৰ ফলত খহি পৰে এটি বাসগৃহ৷ পাণ্ডু বিষ্ণু মন্দিৰলৈ যোৱা পথত সংঘটিত হৈছে এই ঘটনা৷ কথমপি প্ৰাণৰক্ষা অসীম দাস আৰু প্ৰবীণ দাস নামৰ দুগৰাকী লোকৰ৷ পাহাৰৰ মাটি খহি বিস্তৰ ক্ষতিসাধন হয় অসীম দাসৰ বাসগৃহত৷ ইফালে, মহানগৰীৰ পাণ্ডু কেবিনেটত সংঘটিত হয় আন এক অঘটন৷ বিদ্যুৎস্পৃষ্ট হৈ মৃত্যু হয় এগৰাকী মহিলাৰ৷ মঙলবাৰে অহা মুষলধাৰ বৰষুণৰ ফলত মহানগৰীৰ বিভিন্ন স্থানত সৃষ্টি হোৱা কৃত্ৰিম বানৰ ফলত সংঘটিত হয় এই অঘটন৷ ইনভাৰ্টাৰত পানী সোমোৱাৰ ফলতে সংঘটিত হয় এই ঘটনা৷ মৃত মহিলাগৰাকীৰ নাম মেহেন্দী বৰুৱা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
